... https://www.youtube.com/watch?v=kVyXCeZnu1w

انا دكتور حب ودي حلقة جديدة انهارده عايز اتكلم معاك عن العلاقات المتباعدة او distance relation واللي معناها ان كل حد عايش في مكان بعيد عن التاني مثلا بلدين مختلفين النوع ده من الارتباط مش جديد ذي ما الناس فاكرة وفي ناس نجحت فيه ذي الشاعر الكبير جبران والشاعرة مي زيادة وكانت قصة حبهم رهيبه بس النوع ده زمان كان حب عذري يعني مفيش فيه جنس انهارده مع التطور الحب ده اتطور بردو وبقي فيه جنس اونلاين اتنين بعاد عن بعض لكن بيمارسوا الجنس بالصوت او بالكتابة او بالفيديو العلاقات البعيدة كانت قايمة في الأساس علي مشاركة المشاعر بس وباقي جوانب الحياة لا يعني كتابات مي زيادة وجبران مكنش فيها غير حب وغرام لكن باقي تفاصيل الحياة هما مش عايشينها سوا لكن دلوقتي بقت العلاقة دي فيها مشاركة لكل حاجة في الحياة مش بس الجنس يعني حتي الاكل وتفاصيل اليوم كلها بيبق في مشاركة ليها وكأن الشخص عايش حياته وحد بيتفرج عليه من خلال شاشه واللي مش بيشوفه بيتحكيله عنه وطبعا ده مدي لبعض الناس احساس انهم مش لوحدهم وأنهم فعلا في علاقة وأنهم مش ناقصهم حاجة تاني بس ذي ماانا قولت من شوية العلاقة دي بتخلينا عايشين وحد بيتفرج علينا وهو بيطلب مننا طلبات واحنا اللي بنفذهاله يعني الشخص ده ميقدرش مثلا يناولك كوباية مية لكن يقدر يقولك روح اشرب الفرق كبير جدا بين الشخص المتفاعل بوجوده في حياتي وبين الشخص اللي بيتفرج علي حياتي من بعيد وبيقولي انا أعمل إيه بس لو انا تعبت هيقولي بس خد دوا او روح لدكتور ولو حصلي حاجة هيقعد يرن عليا لكن مش هيقدر يكون موجودلي لو محتاج حد يدافع عني في موقف معين وحد يرد علي اللي قاعدين معايا هو آخره هيسمع مني اللي حصل ويقولي تعليق لكن مش هيكون معايا في نفس الموقف العلاقات دي شبه العلاقات لكن ناقصها كتير قوي ومينفعش ننكر انها حلوة جدا لان هي بتسمح لينا نكون عالم خاص بينا وندخله ونعيش فيه لوحدنا بعيد بقي عن الحياة الاجتماعية الواقعية العلاقات مش بس حب ومش بس جنس ومش بس حد يبق عارف تفاصيلك ولا حتي بيهتم بيك وبيحاول يتفاعل معاك افتكر اني كنت في علاقة في يوم من الايام من النوع ده وافتكر جدا اني في مرة قولت للبنت اللي معايا انا حاسس رغم وجودك اني وحدي جدا ومش عارف ليه مع انك معايا في كل حاجة في حياتي تقريبا لكن بردو كل حاجة انا فيها وحدي وده كان أصعب جزء في العلاقة لما اتصارحنا اننا بعاد قوي مع ان كل حاجة بينا كانت حلوة جدا لكن اغلب الحاجات مكناش قادرين نعملها سوا انا كنت بشوف أصحابي مع شركاتهم ويمكن مكونش ذينا ولا في نفس درجة القرب من بعض لكن كان في دايما احساس ان في حاجة نقصاني في العلاقة دي دايما كنت ببق حاسس اني في حاجة غلط وجه وقت وكنت فيه فعلا مضغوط جدا ومحتاج حضن بجد محتاج احس ان حد معايا فعلا وساعتها حسيت اني وحدي وان علاقتي دي مش هي اللي انا محتاجله واني محتاج يكون معايا حد فعلا قدامي بس مش علي شاشة قدامي في نفس المكان قدامي اقدر المسه واحسه ونقدر نكون سوا بجد وهنا ابتدت العلاقة تنهار لما حسيت وادركت اننا بعاد جدا فعلا العلاقة اللي بجد بعد ما جربتها وحسيت فيها مثلا بحاجة يمكن تكون عادية لكن كانت بالنسبة لي ليها معني كبير جدا انه في يوم وقفنا قصاد بعض وكنا بنبص لعنين بعض وبعدين وهي بتسلم عليا حسيت بدفي يدها وهي بتلمس يدي حصلت جوايا حاجة مينفعش كنت اتخيلها في طاقة فعلا طلعت من يدها لجوايا ساعتها أدركت جدا يعني ايه يكون الشخص يكون معاك في نفس المكان افتكر مرة كنت بتشارك مع صديقة تنضيف مكان كنا قاعدين فيه ويمكن اللحظات دي وهي تعتبر مش رومانسية لكن كانت اسعد لحظات حياتي وساعتها أدركت قيمة ومعني الارتباط وان يكون الشخص معاك في نفس المكان عايز اقولك قبل ما اقفل التواجد في نفس المكان لوحده بيدي احساس صعب تقدر تتخيله والتفاعل لما تكونوا مع بعض مختلف تماما عن اي احساس ممكن تتخيلوه #بودكاست #راديو #اذاعه #حب #love ... https://www.youtube.com/watch?v=bH5bfqpht-g