Beide van hierdie onderhoude word EKSKLUSIEF op Boermedia se Youtube kanaal gepubliseer. Ons moedig ons kykers aan om beide die onderhoude te kyk. Hier is die Youtube skakel na die verskillende onderhoude: - Dr Danie Langner se vollengte onderhoud: https://youtu.be/Ff11o_U-5Zo - Frik Wentzel se vollengte onderhoud: https://youtu.be/q9yslGirCnI Dr Danie Langner is die Uitvoerende Hoof van die Voortrekkermonument. 'n Gedenkdiens vir die bekende politikus en lid van die Zoeloe koninklike familie, wyle Prins Mangosuthu Buthelezi is op 15 September 2023 gehou, maar nie sonder omstredenheid nie. 'n Versoek was die Maandag ontvang en in die media-berig wat die Woensdagoggend uitgegaan het, was daar berig dat die gedenkdiens in die Senotaafsaal sou plaasvind op Vrydag die 15de September 2023. Dit is volgens Dr Danie Langner in hierdie onderhoud verkeerdelik berig, want dit is al die Woensdag besluit om dit nie in die Senotaafsaal te hou nie, maar eerder in die Krugersaal elders op die terrein. Frik Wentzel en 'n groep "protestante" het 'n protesaksie geloods om hierdie gebeurtenis teen te staan. Luister gerus saam na die onderhoude en hoor elkeen se hart en bepaal dan self oor hoeveel hulle saamstem en hoeveel hulle verskil. Laat weet ons in die kommentare hoe sou jy hierdie situasie hanteer het. BOERMEDIA wil dit net egter duidelik stel aan ons kykers dat ons nie vir Frik Wentzel (protesgroep) en Danie Langner (VTM), wat ingewillig het om met ons te gesels, teen mekaar wil afspeel nie. Ons poog om in belang van ons volk hierdie onderhoude te voer. Mag dit bydrae tot ‘n doelgerigte volkstrewe en eensgesindheid. Mag ons mekaar beter verstaan, respekteer en leer ken, sonder agterdog en wantroue. As ‘n volk mag ons nie toelaat dat ons geabsorbeer word deur ‘n wêreldsisteem of -orde wat ons identiteit en geskiedenis van ons wil steel nie. Mag ons kultuurdraers bly begrond in die Woord van God! Gesels gerus saam in die kommentare. #boermedia #voortrekkermonument #geloftedag ... https://www.youtube.com/watch?v=jFDmhi9NUek