မန္တလေးမြို့တွင် ပြည်တွင်းအခွန်ရုံး ၄ ခုနှင့် တိုင်းစည်ပင်ရုံးတို့တွင် ယနေ့ ဗုံးများ ပေါက်ကွဲပြီး စစ်တပ်ပိုင် မြန်မာဘီယာဝင်းအတွင်းတွင်လည်း ပေါက်ကွဲမှုဖြစ်ပွားကြောင်း ဒေသခံများထံမှ သိရှိရသည်။ ယနေ့ အောက်တိုဘာ ၁၈ ရက်နေ့တွင် ပြည်ကြီးတံခွန် အခွန်ရုံး၊ ချမ်းအေးသာဇံ အခွန်ရုံး၊ မဟာအောင် မြေ အခွန်ရုံး၊ ချမ်းမြသာစည် အခွန်ရုံး၊ တိုင်းစည်ပင်ရုံးအတွင်းနှင့် မြန်မာဘီယာဝင်းအတွင်းမှာ ပေါက် ကွဲမှုများ ဆက်တိုက်ဖြစ်ပွားခဲ့ခြင်းဖြစ်ကြောင်း သိရှိရသည်။ "ပေါက်ကွဲမှုဖြစ်တာကတော့ ၁၁ ခွဲဝန်းကျင်လောက်ကပဲ၊ အထိအခိုက်အခြေ အနေကတော့ သေချာမသိရသေးဘူး။ တခြားနေရာတွေက အခွန်ရုံးတွေမှာလည်း တပြိုင်နက်တည်းပေါက်ကွဲမှုတွေ ဖြစ်တယ်လို့တော့ သိရတယ် " လို့ ဒေသခံတစ်ဦးက ပြောကြားသည်။ ထိခိုက်ပျက်စီးမှု အခြေအနေကို အသေးစိတ် မသိရှိရသေးကြောင်း၊ ယခုရက်ပိုင်းတွင် စစ်ကောင်စီ ထောက်တိုင်များ၊ အုပ်ချုပ်ရေးယန္တရားများကို မြို့ပေါ်ပြောက်ကျားအဖွဲ့များက ပစ်မှတ်ထား တိုက်ခိုက်မှုများ ခပ်စိတ်စိတ်တွေ့လာရကြောင်း ဒေသခံတစ်ဦးက ပြောဆိုသည်။ ... https://www.youtube.com/watch?v=psr3zsmFJiY

အကြမ်းဖက်စစ်ကောင်စီတပ်များက ဖေဖော်ဝါရီလ ၁ ရက်နေ့မှစတင်၍ အာဏာသိမ်းပြီးနောက် ပြည်သူကို သတ်ဖြတ်ခြင်း၊ ဆဲဆိုခြင်းနှင့် ဥပဒေမဲ့ နိုင်ထက်စီးနင်း ဆက်ဆံမှုများ လုပ်ဆောင်လျက်ရှိကြောင်း ပြည်တွင်းမှ ပြည်သူများက ပြောဆိုကြသည်။ လက်ရှိတွင် လူမှုကွန်ရက်တွင် အောက်တိုဘာလ ၁ ရက်နေ့ ညပိုင်း အကြမ်းဖက်စစ်တပ်က တည်းခိုခန်းတစ်ခုကို ဝင်ရောက်စစ်ဆေးရင်း တည်းခိုခန်းမှ ဝန်ထမ်းများကို ဆဲဆို ခြိမ်းခြောက်နေသော ဗီဒီယိုဖိုင်တစ်ခုမှာ ပြန့်နှံ့နေလျက်ရှိပြီး ယင်းသို့ ပြည်သူကို ပြောဆို ဆက်ဆံမှုများမှာ ရန်ကုန်၊ မန္တလေး အပါအဝင် တစ်နိုင်ငံလုံး ပြည်သူများ ကြုံတွေ့နေရသော အခြေအနေ ဖြစ်ကြောင်း ရန်ကုန်ပြည်သူတချို့က ဆိုကြသည်။ "စစ်တပ် ဗိုလ်တွေရော စစ်သား ရဲ အကုန်လုံး ပြည်သူကို ဆဲဆို ဆက်ဆံနေကြတာပဲ။ လက်နက်အားကိုးနဲ့ပေါ့။ ပြည်သူက လက်နက်မရှိ​တော့ ငြိမ်ခံရတာပဲ။ မလုံခြုံဘူး။ အခု စဉ်းစားမိတာက နိုင်ငံ ခြားထွက်မယ်။ သူတို့နဲ့ဝေးရာ နေမယ် အဲဒါပဲ စဉ်းစားမိတော့တယ်။ သူတို့လို အရိုင်းအစိုင်းတွေနဲ့တော့ တကယ် မနေချင်တော့ဘူး" ဟု ရန်ကုန်၊ ဂျပန်စာသင်တန်းကျောင်း ဆရာတစ်ဦးက ပြောသည်။ လူမှုကွန်ရက်တွင် ပြန့်နှံ့နေသော အလွန်ရိုင်းစိုင်းစွာ ဆက်ဆံပြောဆိ ... https://www.youtube.com/watch?v=7qNGFx90BCE