... https://www.youtube.com/watch?v=FvADIfmQX2o

... https://www.youtube.com/watch?v=ngMCdLw0WKw

DIE VLEESLIKE BESNYDENIS Hierdie onderwerp is in sommige geledere van Yisrael-Waarheidsgelowiges ‘n sensitiewe en taboe onderwerp en selfs verwarrend, en daarom vra ek dat u die luisteraar asb. hierdie studie biddend en met ‘n oop gemoed sal luister sonder enige voorafgestelde idees. Het die Mashiach (Mashiach of Gesalfde Een) Yahshua se offer weggedoen met die verbond van fisiese besnydenis? Sommige sê dit het. Soos ons egter in hierdie studie sal sien, sê die Skrif vir ons dat die verbond van fisiese besnydenis vandag nog aktief is. Daar is baie wat ons kan sê oor die besnydenis, maar die verbond van die besnydenis is eers aan die aartsvader Abraham gegee. Majesteit YAHWEH het gesê dat dit 'n teken moet wees tussen Hom en Abraham se nageslag in al hulle geslagte, vir 'n ewige verbond. As een van die manspersone nie fisies besny was nie, moes hulle van die Volk Yisrael uitgeroei word, omdat hulle Sy verbond verbreek het. Bereshith/Genesis 17:9-14, “Verder het Elohim aan Avraham gesê: Maar jy moet My verbond hou, jy en jou nageslag na jou, van geslag tot geslag. Dit is My verbond wat julle moet hou tussen My en julle en jou nageslag na jou: Al wat manlik onder julle is, moet besny word - julle moet aan die vlees van julle voorhuid besny word, en dit sal 'n teken wees van die verbond tussen My en julle. 'n Seuntjie van agt dae dan moet onder julle besny word, al wat manlik is in julle geslagte. Die wat in jou huis gebore is, en die wat van enige vreemdeling met geld gekoop is, wat nie van jou geslag is nie - die wat in jou huis gebore en wat met jou geld gekoop is, moet sekerlik besny word. So moet dan My verbond in julle vlees wees as 'n ewige verbond. En wat manlik is en die voorhuid het, wat nie aan die vlees van sy voorhuid besny is nie - daardie siel moet uit sy volksgenote uitgeroei word: hy het My verbond verbreek.” In die Skrif is 'n verbond 'n baie spesiale soort kontrak wat duur terwyl die onderskeie partye daarvan nog leef. Dit wil sê, die partye tot 'n verbond word nie vrygelaat voordat hulle sterf nie. Majesteit YAHWEH kan nie sterf nie, daarom sal ons nooit deur Hom vrygelaat word nie, en Abraham het nog lewende nageslag, wat steeds aan hierdie verbond gebonde is. Ons geslagslyn (Yisrael in verstrooiïng) kom deur Abraham, so ons is erfgename van hierdie verbond. Maar wat van diegene wat nie weet of hulle van Abraham afstam, of nie? Of dalk weet hulle hulle is van Abraham se saad, maar hulle is steeds nie seker nie. Hoe kan hulle weet dat die verbond van die besnydenis steeds vir vandag geld? Vir een ding, ons kan die Mashiach Yahshua se woorde lees. In Mattheus 5:17-20 sê Meester Yahshua vir ons om nie te dink dat Hy gekom het om die Torah (Wet) of die Profete te vernietig nie. Hy het eerder gesê dat Hy nie gekom het om hulle te vernietig nie, maar om die eerste deel van die profesieë wat daarin vervat is, te vervul (soos daar baie profesieë in die Torah is). Trouens, Hy sê vir ons dat solank die hemel en aarde nog hier is, niks aan die Torah kan verander nie. ... https://www.youtube.com/watch?v=3D4qBcia6bQ

BELYDENDE GELOWIGES STEL TELEUR – ‘n OPE BRIEF Ons deel graag ons persoonlike ervaringe en ondervindinge van die afgelope 10 jaar as gelowiges op die Weg van Waarheid. Dit word ook nie op enige persoon spesifiek gemik nie, maar in die algemeen. ONS DEEL DIT OMDAT ONS GLO ONS IS NIE DIE ENIGSTES WAT SULKE ERVARINGE BELEEF NIE, EN DAT DIT IN DAARDIE SIN AS BEMOEDIGING MAG DIEN OMDAT ONS GLO ONS IS NIE ALLEEN HIERIN NIE. Ons is baie hartseer, bedroef en vol smart weens wat ons al tot nou toe beleef het met belydende gelowiges op die Weg van Waarheid, en dit is moeilik om selfs hierdeur ons harte werklik ten volle uit te stort. Keer op keer word die wind uit ons seile geslaan met teleurstelling vanaf belydende mede-gelowiges wat só mooi voorkom. Vertroue ontbreek onder die meeste belydende gelowiges. Lojaliteit bestaan byna nie. Ons soek vir jare al daarna omdat ons dit het om te gee, maar ons vind dit steeds nie. Al waar ‘n vorm van lojaliteit wel bestaan is waar belydende gelowiges iets uit ons wil gewin, en wanneer dit nie gebeur nie tree dislojaliteit en wantroue in. Dit kom voor asof elkeen sy/haar eie verskuilde motief het terwyl heuning om ons monde gesmeer word. Ander weer gebruik die Woord van Vader YHWH om ons in dinge of dade in te boender/forseer wat óf nie Skriftuurlik is nie óf eenvoudig net ‘n platform wil skep om ons te beheer op een of ander manier. Ons was selfs al gedreig op verskeie maniere, en dit van belydende gelowiges af! Daar word elke keer van ons verwag deur belydende gelowiges om aan sekere vereistes en liefdesbedieninge te voldoen, maar ons vind weining dieselfde terug van hulle kante. Praat is groot, maar dade is dood. Juis ons wat wel iets tot uitvoering bring word dan gepik. Ons word dan ook vermaan, bestraf en getugtig wanneer ons volgens belydende gelowiges se verkeerde persepsies aangaande ons nie opgetree het soos hulle verwag het nie. Diegene met die balke in hul oë werk hard om diegene met die splinters in hul oë te vermaan en tereg te wys. Ons vind sover elke keer dat belydende gelowiges wat op ons lewenspad kom, ons nie werklik leer ken nie, en weens hul gebrekkige kennis van ons asook die oorvloedige wanpersepsies en leuens wat van ons gevorm word daardeur, word ons meestal onnodig wantrou, onregverdig geoordeel, bestraf, vermaan, getugtig en/of eenvoudig uitgeskuif. Ja, mens moet dit te wagte wees, ons weet, maar dis hartseer wanneer dit kom vanaf diegene wat jy eintlik met jou lewe moet kan vertrou! Ek neem as voorbeeld ‘n onlangse geval waar daar ‘n misverstand weens ‘n kommunikasie-persepsie oor ‘n sekere aangeleentheid voorgekom het: dat die betrokke Broer sy eie doop wat ek wou behartig gekanselleer het omdat daar kwansuis nou “gevoelens” ontwikkel het weens die misverstand. Wat het geword van geestelike volwassenheid om misverstande op te los? Wat het geword van lojaliteit? Wat het geword van Broederskap is sterker as onbenullighede? Telkemale wanneer ons opreg van hart, met liefde, lojaliteit en vertroue uitreik op ons unieke manier na belydende gelowiges wat op ons lewenspad kom, vind ons dat hulle soos ‘n giftige slang omdraai en ons pik, en dan word óns as die slang in die verhaal afgemaak en verwerp. Die klein dingetjies word nooit raakgesien nie. Die gebrek aan ware liefde, omgee, eenheid, vertroue en lojaliteit onder belydende gelowiges is skokkend, verbasend, en vir ons baie skrikwekkend. Dit maak mens regtig bang! Skinder en leuens is aan die orde van die dag, en dit skeur die reeds klein groepies uitmekaar, nie eens om te praat van die rebelse Jezebel-vrouens wat op hulle manne se koppe sit nie! Ons het gedink en gehoop dat die gelowiges wat bely hulle wandel in die Weg van Waarheid werklik opregte mense is in wat hulle bely, omdat ons onsself bitter graag met sulkes wil assosieër en omring. MISKIEN IS SOMMIGES VAN HULLE WERKLIK OPREG VAN HART, NET VADER ALLEEN WEET. Maar tot dusver word daardie gedagtes en hoop elke keer teleurgestel. Daardie eenheid onder gelowiges, glo ek, sal eers plaasvind wanneer ons Meester Yahshua weer kom en dinge met tugtiging kom regstel. Vir nou is dit die klassieke geval van “daar is geen koning in die lnad nie, en elkeen doen wat reg is in sy eie oë,” soos daar in die Boek van die Rigters ook geskrywe staan. Word Almagtige YAHWEH nie belaster nie!? Mag ons hemelse Vader die oorblyfsel wat begin ontwaak het, barmhartig wees, en mag die geveinsdhede van ons af gereinig en gelouter word deur die komende smeltkroes sodat ware opregte liefde, omgee, vertroue, lojaliteit en eenheid onder ons kan ontwikkel en groei tot ‘n hegte eenheid wat nie verbreek kan word nie. In Yahushua die Gesalfde Een se Naam. Amein. ... https://www.youtube.com/watch?v=5-3mh8SVZfA