#阿富汗 #國際線 #連登仔
連登又吹風話要打國際線，點解仲會有人覺得國際線係有用？今日會同大家講下一班人為老美打工，自以為可以打到國際線，最後又點樣俾人權老大哥用完即棄呢？亦都會分析下而家國際線呢三個字，對黃營黎講，仲有啲咩野意義呢？

連登出左個Post，話要將外國人既支持，成為實質作用。呼籲連登仔杯葛所有中資企業，同埋任何同中資有連繫既外國品牌。同時，亦都要求其他連登仔，寫張名單俾外國人，等佢地知道自己要杯葛乜野企業咁話，但係佢哋唔知道其實自己已經慘被西方國家用完即棄，情況就好似當年嘅阿富汗。

喺6月20號，人權老大哥暫停駐阿富汗大使館既簽證業務，令到好多需要辦理特殊移民簽證既阿富汗人陷入困境，冇可能快速離開阿富汗，移民美國。而辦理特殊移民簽證既阿富汗人，仲需要提交相關證明，用黎證明佢地曾經為老大哥工作兩年。但係好可惜，當時幫老大哥做野既人，根本早就已經同當時既上司失去聯繫。而冇左呢班頂頭上司既證明，就冇可能搞到快速移民。呢班阿富汗人，喺2013年幫助侵略者工作，根本同賣國冇分別。當老大哥落閘封盤，唔放呢班阿富汗人快速移民，就只能等待國家對佢地賣國既制裁。

國際線已經一早成為連登仔用黎自我安慰嘅最後手段，好多黃營嘅人都仲幻想離開香港，就會有外國幫忙，又或者多謝西方開放移民政策，願意接收呢一班所謂既流亡份子。但係外國既移民政策隨時都可以改變，如果唔想成為岩岩我講既阿富汗翻譯員，我都係勸大家，早啲面對現實，盡快接受香港嘅新常態好過啦！

YOUTUBE?NTT Media ?訂閱 ? 即時通知
——————————————————
希望大家可以幫手：
1. 訂閱《新界主場 NTT Media》
2. 讚好並留言支持；
3. 將此影片分享開去，聚集更多香港人力量！
...
https://www.youtube.com/watch?v=adbNSLgBRkw