... https://www.youtube.com/watch?v=Kz0dAZIw5uM

ලෝක වාසී සියළුම දෙනාගේ සිත් තුළ මේ දින වල බහුලවම ඇත්තේ තම ජීවීතය රැක ගැනීමේ බලාපොරොත්තුවයි. වෛද්‍යවරුන් විසින් නියම කරන ලද උපදෙස් පිළිපඳිමින් නිවෙස් තුළට වී සිටීමට සියළු දෙනාට සිදුවී තිබෙන්නේ තම ජීවිතය හා අන් අයගේ ජීවීත ගැන ඇති වටිනාකම නිසාවෙනි. ඉන් නොනැවතී සියළු දෙනාම තම තමන් විශ්වාස කරන දැක්මන් තුළින් පිහිට ආරක්ෂාව පතති. බෞද්ධයන් විසින් බුදු රජාණන් වහන්සේ විසින් දේශනා කරන ලද පිරිත් වැනි දෑ සජ්ජායනය කිරීමට වඩාත් උනන්දු වෙයි. එසේම මෛත්‍රී භාවනාව වැනි භාවනාවක් වඩා ලෝ වැසියන්ට සෙත ශාන්තිය ප්‍රාර්ථනා කරති. මේ දිනවල බහුලව භාවිතා වන්නේ "රතන සූත්‍රය" සජ්ජායනය කිරීමයි. ගරු ස්වාමින් වහන්සේලා අඛණ්ඩව රතන සූත්‍රය සජ්ජායනය කරමින් ආශිර්වාද කළ සේක. දැනුදු කරමින් පවතී. ගිහි අයද එලෙසින්මය. රූපවාහිනිය වැනි මාධ්‍ය තුළින් පවා වෙනදාට වැඩියෙන් පිරිත් ප්‍රචාරණය වෙයි. සත්‍ය වශයෙන්ම ඉන් ජනිත වන ශක්තිය, බලය හා ආශිර්වාදය අසීමිතය. මෙසේ රතන සූත්‍රය සජ්ජායනය කොට උපරිම වශයෙන් ප්‍රතිඵල ලබාගත හැක්කේ කෙසේද යන්න දැන ගැනීම වටී. පළමුව රතන සූත්‍රය පිළිබඳ නිධාන කතාව කෙටියෙන් දැන ගනිමු. එදා බුදු රජාණන් වැඩ විසූ කාලයේ විශාලා මහනුවර (වෛශාලී ) මහා දරුණු දුර්භික්ෂයක් හට ගැනුණි. මිනිසුන් , සතුන් දහස් ගණනින් මිය යන්නට විය. මෙය ඔබ අද තත්වය හා සිතින් සමකරමින් බලන්න. අද මෙන්ම එදාද මිනිසුන් මරණ වරෙන්තුව අතේ තියාගෙන බියෙන් භිරාන්තව සිටියෝය. එකම පවුලේ සියළු දෙනාද, ගම් පිටින්ද මරණයට පත්වූහ. අද මෙන් නොදියුණු ඒ කාලයේ මිනී, කැලයට විසි කරන ලදී. ඒවා කැමට සතුන් පොරකති. ඇතැමුන් ගෙවල් තුළම මියැදී කුණුවී ප්‍රදේශයම කුණු මීනි ගඳින් දුෂිතව ගියෙය්ය. වා තලයට එක් වූයේ ශෝකාලාප, විලාප හා සෝ සුසුම් පමණි. ජීවත්ව සිටියවුන්ද මළවුන් හා සමානය. කන්නට කුසට අහරක් හෝ බීමට ජලයක් සොයාගන්නට නොවේ. දුප්පත් පොහොසත් බේධයකින් තොරව මරණය සියළු දෙනා සොයා පැමිණියේය. මිනිස් ගහණය සීග්‍රයෙන් අවම වී ගොස් අමනුෂ්‍ය ගහණය වැඩි වන්නට විය. මළවුන් ඒ ඒ ස්ථාන වලම අමනුෂ්‍යයන් වී ඉපිද ජීවත්ව සිටියවුන් තව තවත් දුකට පත් කරමින් සිටියෝය. විශාල මහනුවර එකම ඛේදාන්තයකි. මුළු නගරයම අමු සොහොන් පිටියකි. මිනිසුන් මෙන්ම ගහ කොළඳ පරඬැල්ව තිබුණි. වර්ෂාව නොමැතිව ආරම්භ වූ ඒ දුර්භික්ෂය මහා විනාශයක්ව පැවතෙද්දී, රාජ අනුග්‍රහයෙන් මේ සඳහා ආශිර්වාදයක්, සහනයක් , පිළිතුරක් පතා බුදුරජාණන් වහන්සේ හමුවට පිරිස පැමිණියෝය. මහා කාරුණික හද මඬල දයාවෙන් තෙත්විණි. නොදන්නා, නොදැක තිබූ අසංඛ්‍ය ගණන් සත්වයන් මේ සා සංසාර දුකෙන් මුදවනු පිණිසම, අතට පත් නිවන හැරදා මහා සංසාර ඕඝයට බැස ගැනීමට තරම් අපමණ කරුණාවක් එදා සාරා සංඛ්‍ය කල්ප ලක්ෂයකට එහාදීත් තිබුණා නම්, මෙපුවත අසද්දී, දැනෙද්දී ඒ මහා කාරුණිකයාණන් වහන්සේට කොපමණ නම් කරුණාවක්, දයාවක් දැනෙන්නට ඇත්ද ...! බුද්ධත්වයට පත්ව බුද්ධගයා භූමියේ සිට සැතපුම් දහස් ගණනක් ගෙවා පස්වග මහණුන් සොයා ඉසිපතනාරාමයට පා ගමනින් වඩින්නට තරම් වූ..; � ... https://www.youtube.com/watch?v=Ovs_kTiJxYw