ရှမ်းပြည်နယ်မြောက်ပိုင်း၊ မုံးကိုးမြို့နယ်အတွင်း အကြမ်းဖက်စစ်ကောင်စီတပ်နှင့် ကိုးကန့် MNDAA တပ်ဖွဲ့များကြား တိုက်ပွဲများကြောင့် ဒေသခံပြည်သူများမှာ တရုတ်-မြန်မာ နယ်စပ်ဘက်သို့ ထွက်ပြေးတိမ်းရှောင်နေကြရပြီး ယနေ့ အောက်တိုဘာလ ၁၃ ရက်တွင် တရုတ်နိုင်ငံမှ 'နယ်စပ်ကာကွယ်ထိန်းချုပ်မှုဒေသဖြစ်လို့ အနားမကပ်ကြပါနဲ့' ဟု လော်စပီကာဖြင့် အသံသွင်းပြီး နယ်စပ်စည်းရိုးပေါ်တွင်ချိတ်ဆွဲထားသည်။

ယခု အောက်တိုဘာလအတွင်း အကြမ်းဖက်စစ်ကောင်စီမှ ကိုးကန့် MNDAA တပ်များအား လက်နက်ကြီးများဖြင့် ပစ်ခတ်ကာ ထိုးစစ်ဆင်နေသလို ယမန်နေ့တွင်လည်း မုံးကိုး၊ ဖောင်းဆိုင်ရှိ စစ်ကောင်စီ ဗျူဟာစခန်းတစ်ခုအား MNDAA မှ သွားရောက်တိုက်ခိုက်ခဲ့ပြီး နှစ်ဖက်ပစ်ခတ်မှုများ ဖြစ်ပွားခဲ့သည်။

ယမန်နေ့တိုက်ပွဲကြောင့် ဒေသခံပြည်သူ ၄၀၀ ကျော် ထပ်မံတိမ်းရှောင်လာပြီး တရုတ်-မြန်မာနယ်စပ်တွင် စစ်ရှောင်ဦးရေပေါင်း ၃၀၀၀ နီးပါး ရှိနေကြောင်း ဒေသသတင်းရင်းမြစ်ထံမှ သိရသည်။
...
https://www.youtube.com/watch?v=WRy6i_Bdu7o