#justiceforsidhumoosewala #worldsociety #kamareddy విద్యార్థులకు నాణ్యమైన భోజనం పెట్టాలి కామారెడ్డి: విద్యార్థులకు నాణ్యమైన భోజనం పెట్టాలని సోషియల్ జస్టిస్ ఫర్ వరల్డ్ హ్యూమన్ రైట్స్ కౌన్సిల్ కామారెడ్డి జిల్లా ఛైర్మన్ ఆకుల స్వామి పేర్కొన్నారు. జాతీయ ఛైర్మన్ డాక్టర్ కొప్పుల విజయ్ కుమార్ గారి ఆదేశాల మేరకు బుధవారం గాంధారి మండలంలోని జిల్లా పరిషత్ ఉన్నత పాఠశాలను సందర్శించారు. ఈ సందర్భంగా ఆకుల స్వామి మాట్లాడుతూ రాష్ట్ర ప్రభుత్వం ప్రవేశపెట్టిన మధ్యాహ్న భోజన పథకంలో ఎలాంటి ఇబ్బందులు లేకుండా, విద్యార్థుల ఆరోగ్య పరిస్తితులను దృష్టిలో పెట్టుకుని నాణ్యమైన భోజనం పెట్టాలన్నారు. విద్యార్థులకు ఉచిత వైద్య, వైద్యం అందించడం మన ప్రభుత్వ బాధ్యత అని గుర్తు చేశారు. ప్రజలకు, విద్యార్థులకు ఎటువంటి సమస్యలు వచ్చినా సమస్యలు పరిష్కరించదానికి తామ వంతు కృషి చేస్తామన్నారు. విద్యా హక్కు చట్టాన్ని పూర్తిగా అమలు చేయాలని కోరారు. తమ సంస్థ జాతీయ ఛైర్మన్ కొప్పుల విజయ్ కుమార్ గారి ఆదేశాల మేరకు బాలకార్మిక నిర్మూలన కోసం తాము నిరంతరం కృషి చేస్తామని పేర్కొన్నారు. భోజనాలు సరిగ్గా లేనట్టు తమ దృష్టికి వచ్చిందని, వెంటనే అధికారులతో మాట్లాడి విద్యార్థుల సమస్యలు పరిష్కరించాలని కోరుతమన్నారు. పిల్లల హక్కులు కాలరాస్తే జాతీయ మానవ హక్కుల కమీషన్ లో పిర్యాదు చేస్తామన్నారు. అనంతరం విద్యార్థులకు ఉచితంగా నోట్ బుక్స్ పంపిణీ చేశారు. ఈ కార్యక్రమంలో కామారెడ్డి అర్బన్ ఛైర్మన్ టి. సంజీవులు, గాంధారి మండల ఛైర్మన్ శ్రీకాంత్ తదితరులు పాల్గొన్నారు. ... https://www.youtube.com/watch?v=MY6kG4yNphM