***Nk'uko bisanzwe, ahari amakosa mwakosora! Ngaho nimwiyumvire uwo murya w'inanga ya Sophie Nzayisenga*** Ati ndi Inganzwa, ndi Ingangare Ndi ikubitwa ntitake iya rukingamubiri nitwaza Ntutarabuke ni njye muco w'incungurabuzima ! Karame mugore mwiza utantukira ubusa Uko niko bucya kabiri yitaba umugore hhhmmmm Umugabo uhora aganzwa ntagira umujinya N'umugore we ugasanga yarabyohotseho hhhmmmm Iyo amubwiye iryo ashaka ahora amwumva vuba Ati karame mugore mwiza utantukira ubusa Namuhamagara nabi akitaba atyo Ati karame mugore mwiza utantukira ubusa hmmmm Umusore w'intabwirwa yubatse urugo Ajya gusaba umukobwa yikundiye ubwe Umukobwa ngo abamuzi bazabimenye Niko kunyura hirya bajya kwica ubukwe hmmmm Bati Urya mukobwa w'ingare wamukundiye iki Ushobora kukuganza akajya kwaka ishema Ukaba utaye agaciro ka nyirurugo hmmmm Umuburiye amuhana akajya amwima amatwi Bigaturuka ku bwiza yamukurikiyeho Akaba agira ngo uburanga ni bwo bugore Naho uw'ubuziranenge ntakamenye ko Umutimanama atari imisaya! Amurongoje agahato atitondeye ibye Ati umugore yangaza biturutse kuki ? Icyo bita kuganza njye ncyita ububwa hmmmm Kubimwereka neza yamushatse uburyo Amucisha makeya akajya amwiga umuco Ngo bamare nko kubyarana abana bane Aba yamushyikiriye akajya amutuma inkwi Atavoma n'amazi akamuraza ubusa hmmmm Yasigaye nta jambo aho abandi bari Uretse kwihonga nk'uruhatswemo hmmmm Ndetse n'uwo bahuye akamuyagira ibye Ati "Nta mibereho yanjye ubu ntako meze Dore iryo nikoreye uko ryankozeho Umugore nizaniye ni we unjyeze ku buce hmmmm Igituma ingeso angirira zampugije urugo Ni uko mpinguka ntashye ntarwiriwemo Ati Segatindi, Segahinga wari wagiye he ? Nti aho niriwe hose, dore ntahanye inkwi hmmmm Neza ngirango mubajije nanjye aho yahoze Nti weho se Nyirumushyashya wari wagiye he ? Ati ujye umenya Secyobo ntukambaze utyo ! Aho nirirwa hose uba uhashakira iki Ko ali kwa mubyara wanjye kwa Munyampame Urebe uko kuganza bihuza umugore Ubu Nyirumushyashya ntazi icyo maze Hali n'abagabo bandi yigerekeyeho Iyo mpingutse iwanjye bateretse inzoga Njya kwinjira mu nzu hali nk'icyo mbaza Ati wowe ubu turaheje usubire mu rugo hmmmm Haracyariho ibanga mba mbwira nshuti Ndetse mfasha uyu mwana nganire na yo hmmmm Ninyiherekeza itashye sinzaza vuba Urebe agashyiga kawe ku ishyiga rihera Urebe utuboga twawe ku mbehe rusate hmmmm U(ra)zanywe umutero ntunywere inzoga Uzanywe n'umujagwe ntunywere amata Kandi uzarye ibijumba ntundire imboga hmmmm Urebe igifuma cyawe undindire izi fuku Urebe ubuhiri bwawe usanganire ihene Tora agaheto kawe ungire mu murima Ujye kuharasira isandi zamariye uburo hmmmm Uribuke ingasire unsere aya masaka Utore n'igisabo uncundire aya mata Urebe n'agatebo ube uyora iri vu Uzakuke, ukubure, nzagaruka aha ejo hmmmm Nti aho wamugore we ubu wiroye ute ? Urambwiriza iy'ubuja nk'uwarwinjiyemo Nzagukubita ugende nishakire undi Ati erega wowe nawe ntubura ibyo uvuga Ati urambwira iryo jambo nta soni ufite Rihamya kunsenda utibereyeho ? hmmmm Aho wareba nabi njyewe uko mbibona Ni wowe ushobora gusohoka nkarusigaramo hmmmm Ubwo abandi imiryango bakoraniye iwe Urya mugore w'ingare wamujyanaga he ? Nti icyo umugabo wese ashakire umugore Aba yifuza inkunga izamura urugo *N'ingaruka mbi yindi yayimenya ate hmmmm Ko nagize imana imungezaho Iyamusubiza iyo avuye nayibona he ? hmmmm ... https://www.youtube.com/watch?v=yezV95Xrdkc

Iyi nanga ya Rujindiri akirigita aherekejwe n'amajwi ya Ntamaganya na Semahe, ubundi ni indilimbo yahimbwe n'igikomangoma Karira, umukobwa w'umwami Kigeli Rwabugili, yingizwe na Kanjogera, bitaga "Nyonga" nk'akazina k'akabyiniliro . N'ubwo Nyonga yari akundwakajwe n'umwami kurusha abandi, hali igihe yabonye ko ibye birangiye kuko yaregwaga kubahuka Bisangwa bya Rugombituri wari ingabo ikomeye ndetse n'inkoramutima ya Rwabugili. Muli uko gushoberwa, Kanjogera aganyira Karira wari usanzwe uzwiho ubuhanga mu guhimba, uyu na we yiva imuzi ahimba iyi ndilimbo yibutsaga umwami urukundo n'umubano bye na Kanjogera. Amateka atubwira ko koko ayo magambo yagushije neza umwami. Abasobanukiwe n'ubuvanganzo nyarwanda, batubwira ko iyi ndilimbo ali "ibihozo". Uretse RUjindiri, ntitwakwibagirwa na Ruzamba na we wacuranze "Imitoma". Ruzamba uyu yaje nno gutwara kamwe mu duce twa Bwanacyambwe. Mitoma, ni agace ko mu Nkole, mu Buganda bw'ubu. Hakitwa gutyo ngo kuko "imitoma" ali bumwe mu bwoko bw'imivumu myinshi iharangwa. FR === Hmmmm....je t'aime, Nyonga Ô tendresse de mère Quand nous étions ensemble, en bas âge, à Mitoma, Nous avons pétri ensemble la terre molle, Nous avons porté ensemble les bibelots d'enfance, Et les tiens étaiens les miens, ô Nyonga. Je t'aime, ô Nyonga L'amour dont je t'aime Ne date pas d'hier ni d'avant-hier Tu l'as emporté de chez toi Tu l'as retrouvé chez moi Ô toi Nyonga, C'est ton amour, c'est mon amour... Nyonga ! ENG === Hmmmm... I love you, O Nyonga O love of a mother When we were together, so young, at Mitoma Together we modelted the soft clay Together we carried childhood's little toys And yours were mine, O Nyonga ! Yes, i love you, Nyonga The love which i bear for you Comes not from yesterday nor the day before You took it with you to your house You found it again at mine O you Nyonga It is your love, it is my move.... O Nyonga ! IKINYARWANDA ============== Hmmmmm... Twari (i) Mitoma, Nyonga we Tukiri i Mitoma, Nyonga we Igihe ga turagira inyana, Nyonga we Twatobanye ga utwondo, Nyonga we Twamaranye ga inkondo, Nyonga we Aliko... ni izawe nanjye, Aah lala, ayi we Ndagukunda ga Nyonga,Mama we Unkunde ga ngukunde, Nyonga we Nta rukundo rw'umwe, Nyonga we Urukundo ga ngukunda, Nyonga we Si urw'ejo n'ejobundi, Nyonga we Warukuye ga iwanyu, Nyonga we Warusanze ga iwacu, Nyonga we Aliko... ni urwawe nanjye, Aah lala, ayi we Nagukunze ga rwinshi, Nyonga we Nagukuye i Bwega, Nyonga we Nagushyize ga i Bunyiginya, Nyonga we Hose...ni ahawe nanjye, Aah lala, ayi we Nagukunze ga rwinshi, Nyonga we Nagutuye utunyana, Nyonga we Kandi dusanze ga urwenda, Nyonga we Naturengeje ga abandi, Nyonga we Ndatugutura ga Nyonga, mama we Aliko... ni utwawe nanjye, Aah lala, ayi we Nagukunze ga rwinshi, Nyonga we Nakumurikiye inyambo, Nyonga we Kandi utari umutware, Nyonga we Nazirengeje ga abandi, Nyonga we Ndazigutura ga Nyonga, mama we Aliko... ni izawe nanjye, Aah lala, ayi we Nagukunze ga rwinshi, Nyonga we Nagukebewe ga ingondo, Nyonga we Hagati y'ibituza byombi, Nyonga we Ukorakoremo uzumve, Nyonga we Wazikorakoyemo, mama we Ntihapfutse na rumwe, Nyonga we Aliko... ni izawe nanjye, Aah lala, ayi we Ndagukunda ga Nyonga, mama we Nakumereye imbuguyu*, mama we Munsi y'umudende, Nyonga we Munsi y'umukondo, Nyonga we Ukorakoremo ga uzumve, Nyonga we Wazikorakoyemo, mama we Ntihapfutse na rumwe, mama we Aliko... ni izawe nanjye, Aah lala, ayi we Ndagukunda ga Nyonga, mama we Nagukuye i Bwega, mama we Nagushyize ga i Bunyiginya, ma.../Nyonga we Aliko...ni ahawe nanjye, Aah lala, ayi we Nagukunze ga rwinshi, Nyonga we Nagutuye Ubwishya*, Nyonga we Uturwe ga udutsama, ma.../Nyonga we Uturwe ga udutega, Nyonga we Uturwe ga utubavu, Nyonga we Naturengeje ga abandi, Nyonga we Ndatugutura ga, Nyonga, mama we Aliko... ni utwawe nanjye, Aah lala, ayi we Nagukunze ga rwinshi, Nyonga we Naguhaye Ikinyaga, Nyonga we Uturwe ga udutsama, Nyonga we Uturwe ga udutega, Nyonga we Uturwe ga uturago, Nyonga we Uturwe ga utubavu, Nyonga we Naturengeje ga abandi, Nyonga we Ndatugutura Nyonga we Aliko... ni utwawe nanjye, Aah lala, ayi we Nagukunze ga rwinshi, Nyonga we Unkunde ga ngukunde, Nyonga we Nta rukundo rw'umwe, Nyonga we Urukundo ga ngukunda, Nyonga we Si urw'ejo n'ejobundi, Nyonga we Warukuye ga iwanyu, Nyonga we Warusanze ga iwacu, Nyonga we Aliko... ni urwawe nanjye, Aah lala, ayi we Ndagukunda ga Nyonga, mama we Nagukunze ga rwinshi, Nyonga we Na *MUCUMINJONGE* (reba hasi comments) Tuzamukubita ga inkingi, Nyonga we Tuzamurenza ga inkike, Nyonga we Aliko.. ni ibyawe nanjye, Aah lala, ayi we Ndagukunda ga Nyonga, mama we Nagukunze ga rwinshi, Nyonga we Aliko.. ni ibyawe nanjye, Aah lala, ayi we Ntawe ukwanga, Inyamibwa we Uko tugukunda, Mwiza we Mwiza ga YAHUJE uruziga, mama we Mwiza ga yashoye amababaza, mama we Mwiza ga yakebwe ingondo, mama we Mwiza ga yahimbye amatako, mama we Urukundo ga rw'umukobwa, mama we Igitega cy'umukondo, mama we Aliko.. ni icyawe nanjye, Aah lala, ayi we. ... https://www.youtube.com/watch?v=CKtpMWrq0SY

KIRUSI Thomas, watabarutse mu 2010 ku myaka 80, akaba uw'i Kiruri mu Ruhango, yari umwe mu bahanga kabuhariwe u Rwanda rwigeze mu gukirigita umurya w'inanga. Uwo murage mwiza ukomereza ku mukobwa we Sophie Nzayisenga https://youtu.be/yezV95Xrdkc ***Mwihangane, amajwi ntameze neza cyane cyane ku bakoresha telefoni. Abishoboye bifashishe écouteurs/headphones birarushaho kuba byiza. Murakoze**** ... https://www.youtube.com/watch?v=toGzgYBy6gY

Ngwino, ngwino unyizihire, Ngwino ngucyulire ibyiza. Nzakwereka abana b'ibisage, Basasanuye inseko bose, Basa n'ijuru ryijuye; Nzanogerwa, unogerwe. Nzakwereka n'amaliza yanamije urugoli, Ingororano y'ababyeyi; Nzanogerwa, unogerwe N'ibyiza byera i Rwanda. Ngwino, ngwino unyizihire, Ngwino ngucyulire ibyiza. Uzizihirwa n'impundu urwoga, Z'abatagira urwango na ruke, Bakulirimba bose. Nzanogerwa, unogerwe. Batamirije ibyanganga n'intambi, N'amashyoro abengerana. Nzanogerwa, unogerwe N'ibyiza byera i Rwanda. Ngwino, ngwino unyizihire, Ngwino ngucyulire ibyiza. Nzazana intore zitera urushara, Zirushanwe ubure ikilizo, Wizihirwe unezerwe. Nzanogerwa, unogerwe. Icumu zitera ababisha bakajije umurego Zirikubanga ureba. Nzanogerwa, unogerwe N'ibyiza byera i Rwanda. Ngwino, ngwino unyizihire, Ngwino ngucyulire ibyiza. Uzabona abasore b'interahamwe, Bahuje intambwe by'urucantege, Mu nyana z'uruhebuza. Nzanogerwa, unogerwe. Uzabona isanzu ryiza ry'abavuna sambwe, Bakubye Indangamyambi. Nzanogerwa, unogerwe N'ibyiza byera i Rwanda. Ngwino, ngwino unyizihire, Ngwino ngucyulire ibyiza. Nguteze intambwe zitemba Ikizire, Cyangwa zikimbagira Amaliza, Ibirezi batashye bose. Nzanogerwa, unogerwe. Nkundira ikabuza mu icumu ricunda inganji, Ingamba zikeye zose. Nzanogerwa, unogerwe N'ibyiza byera i Rwanda. ... https://www.youtube.com/watch?v=9jT_fYlrl_0