Join this channel to get access to perks: https://www.youtube.com/channel/UCzCjuwCSrvw8C1w0eONNeig/join Tema: Ang walang kabuluhan na Pagsamba Speaker: Rocky Kiley Valera Teksto: Isaias 29:13 (Mateo 15:6-9) Petsa: Abril 22, 2022 I. Intro Kahit sa panahon noon ng pagparito ng Panginoong Hesus ay maraming mga pinuno ng relihiyon ang hindi totoo sa kanilang pagsamba (hypocrites). – Pariseo at Saduceo Binanggit ng Panginoong Hesus ang sinabi ni Propeta Isaias sa MATEO 15:6-9 (Bagong Tipan), dahil nagmalasakit ang Panginoong Hesus sa mga taong nakikinig na dapat sa totoong pagsamba at paglilingkod sa Diyos ang gawin nila at hindi doon sa maling pagsamba, pagkukunwaring pagsamba o pakitang taong paglilingkod na ginagawa ng mga pinuno ng relihiyon ng panahong iyan. *Ang pinakamatinding kaaway pala ng Panginoong Hesus noong andito siya sa lupa ay hindi ang mga makasalanan kundi ang mga religious leaders na makasalanan at mapagkunwari dahil hindi sila nakinig at nililigaw nila ang marami. –MATEO 15:14. II. Makikilala natin ang mga pagsamba na ginawang walang kabuluhan a. Ang paglapit nila sa Diyos ay sa bibig lamang at wala sa puso *May mga tao palang nananalangin (depende man sa posisyon) pero kapag wala sa puso niya ay walang kabuluhan ang pananalangin niya sa Diyos. *Alam ng Diyos ang nilalaman ng puso ng bawat taong lumalapit sa Kanya. *Ang paglapit sa Diyos ay napakaganda pero nagiging walang kabuluhan ito kapag sa bibig lamang at wala sa puso. *Ano ang pagpapapimbabaw na pagsamba? Ang Diyos ay pinararangalan sa mga salita, ngunit wala sa gawa. *Hindi sa puso ang pagsamba kundi sa nguso o bibig lamang. b. Ang pagpupuri nila sa Diyos ay sa labi lamang (lipservice only) *Pwede palang ulit-ulitin ng isang tao ang pagpupuri niya sa Diyos sa pamamagitan ng kanyang bibig pero hindi niya ito sinusunod. Hal: Mga Pariseo kabilang ang mga Pariseo sa panahon natin ngayon. - Laging dumadalo sa simbahan o sa Gawain ng Diyos at umaawit ng Spiritual songs pero pagdating sa bahay ay sinisigawan na ang mga anak, magulang o kapamilya, o di kaya’y hindi ginagawa ang trabaho ng maayos, nanonood ng mga malalaswang palabas sa tv/selpon o di kaya’y mapanghusga sa kapwa. –ninanamnam ang lyrics ng kanta at kabisadong-kabisado pa pero hindi naman isinasabuhay. - Nagsasalita ng mabubuting asal at nagsasalita ng pang-kristiyanong salita ngunit hindi naman ito ginagawa sa totoong buhay. - Laging tumatawag sa Panginoong Hesus ngunit patuloy na gumagawa ng kasalanan. - Sinasabi nilang sila ay Kristiyano ngunit hindi nila ito isinasabuhay at hindi sila kumikilos tulad ng isang Kristiyano. - Nakatuon sa pagiging disipulo ni Hesus sa pamamagitan ng pagsa-submit sa Kanyang Pagkapanginoon, ngunit hindi talaga nila sinusunod ang Panginoon. - Sa ating kapwa naman, kunwari pinupuri mo siya pero sa iyong puso ay hindi totoo o kabaliktaran pala para lang mapahanga mo siya. Kaya hindi maganda sa tao ang pagiging plastic. *Ayaw ng Panginoong Hesus ang hindi totoo sa kanyang puso. *Para mapahanga natin ang Diyos ay hindi sa pamamagitan ng ating bibig lamang kundi ang may pagmamahal na paggawa. *Wala sa lakas ng boses mo sa simbahan, wala sa pagsisisigaw mo sa pananalangin, wala sa ganda ng boses sa pagaawitan, wala sa galing mo sa pagsasalita kundi sa puso mo tumitingin ang Diyos. *Masarap isigaw na mahal na mahal kita Lord pero nakikita parin ito sa ating pagsunod sa Kaniya at iyon ang nasa pusong pagsamba. –JUAN 14:21. *At kung ikaw ay mapagkunwari sa iyong pagsamba sa Diyos at pakitang-tao lamang ay sa mga huling panahon sasabihin din ng Panginoon na hindi ko kayo nakikilala. –MATEO 7:21-23. c. Ang kanilang takot ay sa utos ng tao (Tradisyon ng tao) MARK 7:7-9, 13, marami tayong nakikitang maling Tradisyon pero marami paring sumusunod nito kahit mali. Marami ang pinasunod nila na mga tao lalo na sa hindi talaga nakakaalam ng Salita ng Diyos dahil maganda ang pagtanggi nila sa utos ng Diyos upang masunod ang Tradisyon ng tao at hindi iyan kinalulugdan ng Diyos pero sa mata ng tao ito ay tama, pero mali pala sa paningin ng Diyos. Maganda lang pakinggan pero hindi tanggap ng Diyos. Mga Hal: Mga maling kaugalian, mga orasyon at mga dasal na paulit-ulit (MATEO 6:7). *Kaya tingnan natin kung tama ang ating pagsunod sa Diyos, ito ba’y ayon sa Kanyang mga utos o salita o ayon sa mga Tradisyon ng mga tao lamang. *Maraming mga tao na mas kinakatakutan ang paniniwala ng mga tao kaysa sa Salita ng Diyos. *Ang tunay na pagkatakot sa Diyos ay pagsunod sa Kanyang mga utos at pag-iwas sa mga maling gawain. III. Pagtatapos Ang gusto ng Diyos ay magpakatotoo tayo sa ating paglapit, sa pagpupuri, sa paglilingkod, sa pagsamba at sa ating pagsunod sa Kanya at upang ito’y katanggap-tanggap at kalugod-lugod sa Kanya. Pagpalain ang bawat nagbabasa, nakikinig at tinutupad ang salita ng Diyos, magtulungan tayong ibahagi ang mga salita ng Diyos sa pamamagitan ng pag-share sa video na ito upang matupad ang utos ng Panginoong Hesus sa MARK 16:15. Maraming salamat! ... https://www.youtube.com/watch?v=CzF3FIlVWys

Online Bible Study 1 Speaker: Sister Carolina Bernal Magistrado Theme: The 9 Exhortation or persuasion of Believers walk Text: Staring on Ephesians 2:8 & 9 Date: July 02, 2021 The 3 attributes of God in the text that all comes from Him: Grace, faith and gift. The 9 exhortation or persuasion of Believers walk: 1. Ephesian 2:10 – Walk unto good works. 2. Ephesian 4:1 / 1 Timothy 2:4 – Walk worthy of our calling. 3. Ephesian 5:1-2 – Walk in love. 4. Ephesian 5:15 – Walk in circumspectly/cautiously. 5. Romans 8:4 / Galatians 5:16 / Romans 8:9 & 11 – Walk in the Spirit. 6. Romans 6:4 / Titus 2:11-12 – Walk in the newness of life. 7. Colossians 2:6-7 – Walk in Him. 8. Colossians 4:5-6 - Walk in wisdom. 9. 1 Thessalonians 4:1, 4 – Walk to please God. Kindly don't forget to subscribe to be updated on more videos to come regarding the Online Bible study 1 & 2. God bless ... https://www.youtube.com/watch?v=IFeW4LdFhII

Join this channel to get access to perks: https://www.youtube.com/channel/UCzCjuwCSrvw8C1w0eONNeig/join Speaker: Rocky Kiley Valera Lesson: Grow | Lumago Date: January 12, 2024 Totoo, hindi lahat ay masasaya at magagandang pangyayari ang buong nagdaang taon dahil may mga mahihirap at kabiguan din namang pangyayari. Gayunpaman, tinatawag tayong magpasalamat at lumago sa lahat ng pagkakataon (to give thanks & to grow in all circumstances, not only in good times even also in bad times & in tough times). From the bottom of our heart let us thank God for the year 2023. Thank God for the mountains and the valleys, thank God for the good and bad experiences, and thank God for the loss and gain of 2023. Nakahanda na ba tayo sa pagpasok o pagtanggap sa bagong taon na ito, at maaaring ipagpatuloy ang ating magandang nasimulan noong nakaraang taon at mas lalong pagbubutihin pa (mag-improve pa, mag-mature pa at mag-grow pa sa ating spiritual na buhay). Sa mga failures naman natin sa nagdaang taon ay maaari tayong magsimula ulit ng fresh start, a new beginning, masagana at magandang panimula kay Hesu-Kristo at huwag ng uulitin pa ang mga failures natin dati. God wants his people to grow, to improve, to prosper to progress from year to year. Are you/we a growing Christian/s? Let me ask you this question: How was your spiritual condition in 2023? - Masasabi mo bang excellent (means you’re doing great)? - Masasabi mo bang good (means you’re doing well)? - Masasabi mo bang fair (means you’re doing okay)? - Or masasabi mo bang poor (means failure & need some awakening)? I'll be sharing you a "4 SPIRITUAL DISCIPLINES TO PROGRESS OR TO GROW", you can watch on this video the full message. Thank you and God bless you so much. Let us help one another to spread the word of God through sharing this video. Can we declare these in our lives with faith in Jesus Christ: This YEAR will be a year of victory! This YEAR will be a year of progress! This YEAR will be a year of breakthrough! This YEAR will be a fruitful year! This YEAR will be a year of restoration! This YEAR will be a year of new opportunities! ... https://www.youtube.com/watch?v=5Ui1Rz02uvU

OBSM Speaker: Rocky Kiley Valera Theme: Si Hesus ay tumatawag at nagbabago ng buhay ng tao Text: MATEO 9:9-10 Date: July 11, 2021 INTRO: Tinawag mismo ng Panginoong Hesus si Mateo noong nagmiministeryo pa Siya dito sa lupa. At nang pumanhik na Siya sa langit ay ang ginagamit Niyang mga tao upang tawagin naman ang iba ay ang Kanyang mga Orihinal na Alagad o Apostol at iyon din ang mismong iniutos Niya sa Kanila (Mateo 28:18-19). Ngayon, sa panahon natin ay sinu-sino ang mga Alagad ng Panginoong Hesus dahil nangamatay na ang Kanyang mga Orihinal na mga Alagad o Apostol? Walang iba kundi tayong mga "Kristiyano" na tumanggap, sumampalataya at sumusunod sa Kanya at tayo rin mismo ang Kanyang instrumento para tawagin naman ang ibang mga tao at upang ilapit sa Diyos. Kung ang iniutos ng Panginoong Hesus sa Kanyang mga Alagad noong una ay "Gawin ninyong alagad ang lahat ng mga bansa" ay applicable din ito sa ating mga Kristiyano dahil kabilang ka na sa Kanyang mga Alagad ngayon. BACKGROUND NI MATEO: a. Isang maniningil ng buwis (tax collector). Ang mga maniningil ng buwis ay kinasusuklaman, kinaiinisan o kinagagalitan noong mga panahon ni Hesus at itinuturing silang mga makasalanan. b. Sila ay mga Hudyo na nagtatrabaho para sa mga Romano kaya't ito ang gumawa sa kanila na mga traydor sa kanilang kapwa mga Hudyo dahil nagbabayad ang mga tao ng buwis sa mga dayuhan na namumuno sa kanila. c. Ang mga maniningil ng buwis ay hindi binabayaran ng tamang sahod ng mga Romano dahil kung ano nalang ang ibibigay na pera sa kanila ay iyon ang magsisilbing kabayaran sa kanila at inaasahan nilang kumuha ng "dagdag na pera" (kumupit) at makapag-ipon naman para sa kanilang sarili. d. Maraming mga maniningil ng buwis ang hindi tapat at inabuso ang sistemang ito sa pamamagitan ng pagkuha ng labis (pagnanakaw o pangungupit). e. Hindi maganda ang background ng mga maniningil ng buwis dahil sila ay nagnanakaw, sinungaling, mandarambong at nanggugulang ng kapwa. ANG PAGKATAWAG NG PANGINOONG HESUS KAY MATEO: Hindi lingid kay Mateo na naririnig na niya ang patungkol sa Panginoong Hesus na nagtuturo ng salita ng Diyos, gumagawa ng mga himala at bumubuhay ng patay. a. Sa simpleng salita lang ng Panginoong Hesus na "Sumunod ka sa akin" ay sumusunod ang tao sa Kanya dahil isa Siyang tunay na halimbawa. (Dapat ganon din tayong mga Alagad ng Panginoong Hesus ngayon na maging halimbawa muna bago maging instrumento para sa iba at iyon ang epektibong pag-kumbida). b. Iniwan ni Mateo ang kanyang trabahong masama o ang kanyang dating buhay na siyang nagiging sanhi ng kanyang pagkakasala at hindi siya nag-alinlangan dito at wala na siyang dahilan pa sa ating Panginoong Hesus kundi sumunod siya ng kusa at nakinig sa Kanyang mga salita. (Tayo noon ay napakaraming rason o dahilan pero salamat parin sa mga taong nagtiis na ginamit ng Diyos upang tawagin tayo at mailapit sa Kanya at sana maging matiisin din tayo para sa iba kung sila ay maraming rason o dahilan o katanungan kapag iniimbita natin sila sa Gawain ng Diyos). c. Ito ang "pinakamagandang desisyon" ni Mateo na nagawa niya sa buong buhay niya ay "Ang pagsunod sa ating Panginoong Hesus." (At ganon din tayong mga sumusunod sa Panginoong Hesus. Kung mayroon tayong gustong palitan, ibig sabihin mas maganda, mas mahalaga at mas nakakahigit doon sa gusto nating palitan mula sa dati nating buhay tungo sa bagong buhay kay Kristo). d. Nakita natin ang transformation ng buhay ni Mateo mula sa pagiging maniningil ng buwis (pangit na background) sa pagiging tunay na Alagad ni Kristo. e. Tinawag siya ng Panginoong Hesus at ngayon naman ay siya ang tumatawag sa iba tulad sa mga kapwa niya maniningil ng buwis at mga makasalanan upang mailapit sila sa Panginoong Hesus at para magkaroon din ng panibagong buhay. BAKIT TUMATAWAG ANG PANGINOONG HESUS NG MGA TAO AT PATULOY SIYANG TUMATAWAG? - Dahil ayaw Niyang malugmok sa kasalanan ang tao o maparusahan at ito'y pagpapakita ng napakadakilang pagibig sa ating kaluluwa. Kaya magkaroon sana tayo ng pusong katulad ni Kristo na abutin ang iba pang hindi nakakakilala sa Kanya. Napakasarap damhin na yong dating inakay mo na parang walang kapag-a-pag-asang magbago ay naglilingkod na sa Diyos at nagagamit na sa Gawain ng Diyos. CONCLUSION: Kung ang ating background lang ang paguusapan natin ay siguradong madidismaya lamang tayo sa isa't-isa pero salamat sa Panginoong Hesus dahil tayo'y Kanyang hinango at binago. Dati, tayo ay may mga madidilim na nakaraan pero tinawag tayo ng Panginoong Hesus sa pamamagitan ng mga taong naging instrumento, naging daan at nagtiis para sa atin na Kanyang ginamit. Ngayon, ikaw naman ang ginagamit Niya para tawagin ang mga ibang tao at upang ilapit sa Kanya. REFLECTION: - Sino ka noon at sino ka ngayon nang sumunod ka sa Panginoong Hesus? - Kung may papalitan ka ano kaya 'yon? - Ano ang pinakamagandang desisyon na nagawa mo sa buong buhay mo? "Patuloy na maging instrumento para sa iba dahil iyan ang ating dakilang misyon!" God bless. ... https://www.youtube.com/watch?v=kpILHR3JTJo