Voice : Chayanika Patra Lyrics: Chinmoy Talukdar ... https://www.youtube.com/watch?v=DIUHSZotUnw

১৮৮৭ চন , গুনাভিৰাম বৰুৱাই আসাম বুৰঞ্জী প্ৰকাশ কৰিছিল, তাত লিখা আছিল " চৈত্ৰৰ সংক্ৰান্তিৰ দিনা আসামৰ ইতৰ শ্ৰেনীৰ কিছুমান লোকে অশ্লীল গীত মাতেৰে উৎসৱ উদযাপন কৰে , এই প্ৰথা দুৰ হলে আসামৰ উন্নতি হব "। ১৮৯৮ খ্ৰীষ্টাব্দ ৷ বাৰিষাকাল ৷ হঠাতে এচাম শিক্ষিত অসমীয়া লোকৰ মাজত বিহুৱে অশ্লীল ৰূপে দেখা দিলে বোলে বিহুত প্ৰণয়-প্ৰীতি, যৌন প্ৰলেপে যুৱ সমাজ উৎশৃংখল কৰিব৷ ভৱা মতেই কাম হাতত ল'লে৷ বঙাল বিষয়াৰ হাততে বগাচাহাবলৈ লেখিলে যে অশ্লীল বিহুক নিষিদ্ধ কৰিব লাগে৷ বগাচাহাবেও নিষিদ্ধকৰণৰ যা-যোগাৰ কৰিলে ৷ সেই সময়ত অসমত বিহুৰ ঢৌ তুলি থকা পুৰণিগুদাম চলচলিৰ ওজা মৈমত টাটিঙা আৰু ভগ্নী চেনী গাভৰুৰ কথাবোৰ হজম নহ'ল ৷ আনন্দ দাসৰ নেতৃত্বত বিহু যে অসমীয়া জীৱনৰ কলাত্মক প্ৰতীক তাকে বুজাৱলৈ পালেগৈ গুৱাহাটী ,কেইজনমান বিহুৱা আৰু একমাত্ৰ বিহুৱতী চেনি গাভৰু সৈতে ৷ বগা চাহাবক বিহু নৃত্য আৰু ঢোলৰ ছেৱে ছেৱে দেখাই গ'ল অসমীয়া জীৱনত বিহুৰ মহত্ব ৷ বুজাই গ'ল আনন্দ দাসে৷ ককায়েকৰ ঢোলৰ চেওত ভনীয়েক চেনিমাইয়ে কঁকাল ভাঙি ভাঙি কৰা নৃত্যত বগাচাহাবে অশ্লীলতাৰ গোন্ধ নাপালে , বৰঞ্চ আপ্লুতহে হ'ল৷ বিদেশী হ'লেও বিহুৰ মৰ্ম শেষত বুজি উঠিল ৷ বিহু নিষিদ্ধ হোৱাটো প্ৰত্যাহাৰ হ'ল ৷এই ওজা মৈমত টাটিঙা আৰু চেনি গাভৰু আছিল মুছলমান ৷ এতিয়াও পুৰণিগুদাম চলচলিৰ মুছলমানসকলে সেই ঐতিহ্যৰ ক্ষয় হ'ব দিয়া নাই ।বিহু নিষিদ্ধ প্ৰত্যাহাৰ হোৱা আনন্দতে ঘোৰ বাৰিষা সত্বেও সগৌৰৱে মৈমত-চেনিহঁতে আৱতৰীয়া বিহু পাতিলে ৷ মুছলামানেও বিহু নাচে বুলি জানি কেইবাজনো বগাচাহাব সপৰিয়ালে , কলেঙেৰে নাওঁ মেলি বিহু চাৱলৈ আহিছিল ৷ সংগ্ৰহ : #Brahmananda Patiri দাদাৰ ৱালৰ পৰা #senimai #neel_akash_das ... https://www.youtube.com/watch?v=aMGkBG1-NuA