စစ်ကိုင်းတိုင်း၊ တန့်ဆည်မြို့၊ ကျီကုန်း (မြောက်)ရွာကို ယနေ့ စက်တင်ဘာလ ၂၄ ရက် နံနက် ၈ နာရီခွဲခန့်တွင် ကံထူးမရွာ ရဲစခန်းမှ ရဲတပ်သားများနှင့် တန့်ဆည်မှ စစ်ကောင်စီတပ်ဖွဲ့ဝင်များ ထပ်မံ ဝင်ရောက်လာပြီး မီးတင်ရှို့နေကြောင်း ဒေသခံများထံမှ သိရသည်။ " ဒီနေ့မနက် ၈ နာရီခွဲလောက်မှာ ကံထူးမက ရဲခွေးနဲ့ တန့်ဆည်က စစ်ခွေးတွေ ကျီကုန်း (မြောက်) ရွာကို ရောက်လာတယ်၊ ရွာက အိမ်တွေကို မီးဝင်ရှို့နေကြတယ်၊ မနေ့က ကျီကုန်း (တောင်)ရွာ မီးရှို့ခံရလို့ နေအိမ် ၁၈ လုံးနဲ့ စပါးတင်း ၆၀၀ ကျော် မီးလောင်ဆုံးရှုံးခဲ့တယ်၊ ကျီကုန်း တောင်ရွာနဲ့ မြောက်ရွာက ၃ ဖာလုံပဲ ဝေးတာ" ဟု ဒေသခံတစ်ဦးမှ ရန်ကုန်ခေတ်သစ်သို့ အတည်ပြုပြောဆိုသည်။ ပြီးခဲ့သည့် ဩဂုတ်လကုန်ပိုင်းကလည်း တန့်ဆည်မြို့နယ် ကာပေါင်းကျကျေးရွာကို အကြမ်းဖက်စစ်ကောင်စီတပ်များ ဝင်ရောက်ပြီး အိမ်များကိုမီးရှို့သဖြင့် နေအိမ် ၅ လုံးထက်မနည်း မီးလောင်ဆုံးရှုံးခဲ့သည်။ ... https://www.youtube.com/watch?v=JHcEsZcmFtE