Actuación de Suso Vaamonde nun festival dos anos 80 en solidariedade cos traballadores do estaleiro Astano, vítimas da reconversión naval realizada daquela polo PSOE de Felipe González.
Documental de 1966 sobre a historia da empresa creada por Eduardo Barreiros, fabricante ourensán de camións e de coches, pioneiro na conversión de motores a diesel, fabricante inicialmente de tractores, logo de camións míticos e finalmente de versións de coches americanos con motores diésel propios. A súa fábrica en Madrid acabou sendo comprada por Peugeot.
O 22 de xaneiro de 1961, un grupo de 24 integrantes do Directorio Revolucionario Ibérico de Liberación (DRIL) secuestrou no medio do Atlántico o Santa María, un buque portugués de transporte de pasaxeiros que facía a ruta Caracas-Lisboa-Vigo. O secuestro estaba coordenado polos portugueses Henrique Galvão e Humberto Delgado e os galegos Xosé Velo (Carlos Xunqueira de Ambía) e José Fernández Vázquez (comandante J. Soutomaior), e buscaba, en primeiro lugar chamar a atención internacional sobre as ditaduras de Franco e Salazar en España e Portugal.