?️ Претседателот на #Левица проф. д-р Димитар Апасиев за предлог-Законот за домување: ? ,,Ова е еден, според нас, круцијален закон којшто опфаќа повеќе од половина милион население и се однесува на, популарно или народски кажано, кираџиите. Тоа се многу луѓе во Република Македонија. На сајтовите на агенциите за недвижности можете да видите фрапантни податоци каде што уредно наместен стан од 50 квадрати достигнува цена по 800, 900 а некогаш и 1 000 евра. Овие проблеми на граѓаните не се новина кај нас, во Европа веќе ги имале и затоа се носени заштитнички закони. Досега методологијата за утврдување на закупнината е носена со уредба на Влада, односно е под-законска, а не законска материја. Со овој закон се предлага таа да стане законска материја и тоа да биде еден став во Законот за домување. Втората промена, е за куршлусот кој е направен. Иако Владата има право да воведе регулација на кириите и наместо да утврди максимална кирија, нашата Влада утврдила минимална кирија. Кого штити Владата? Ги штити рентиерите наспроти студентите во тие станови, наспроти работниците во овие станови. Со оваа измена предлагаме да се воведе горна граница на износот на кирија. Оттука, апелираме на вашата совест, бидејќи ова опфаќа многу од населението во Македонија, а истовремено од подзаконска, оваа материја станува материја легис." #ЛевицаОдПарламент ... https://www.youtube.com/watch?v=HZLs_BPQyVk

На 9 та седница на Советот на општина Охрид, советникот на Левица, Виолета Аврамоска, побара да се обезбеди сигнализација на две раскрсници во Охрид , раскрсницата на ул. Железничка и ул. Кленоец и раскрсницата на ул. Питу Гули и ул. Марко Нестороски. Овие раскрсници се единствени во Охрид на кои има семафори , но тие не функционираат. Движењето на раскрсницата на ул. Питу Гули и ул. Марко Нестороски има голема циркулација на возила , особено ул. Питу Гули, која е улица со предност на минување. Семафорите на оваа улица веќе веќе подолго време не функционираат , така што практично движењето на возилата кон центарот на градот во утринскиот период , од 7 и 30 до 8 часот, е многу отежнато. Со оглед на тоа што во непосредна близина на оваа раскрсница се наоѓа ОУ ,, Христо Узунов " , вака без сигнализација , загрозена е и безбедноста на учениците, како и на другите пешаци. Во овој дел наутро има еден полициски службеник , но со тоа не се постигнува никаков ефект, бидејќи училиштето работи во две смени, а треба да се има во предвид и големиот одмор кој го имаат децата. Токму поради тоа , советникот на Левица предложи на оваа раскрсница да бидат вклучени семафорите се' додека не се изнајде друго соодветно решение за обезбедување на раскрсницата. Што се однесува до раскрсницата на ул. Железничка и ул. Кленоец , исто така беше предложено од советникот на Левица да бидат пуштени во употреба семафорите поради безбедноста на учесниците во сообраќајот, се' до донесување на посоодветно решение од страна на стручните за тоа. ... https://www.youtube.com/watch?v=l1tcbdfD2xU

Левица - Теренски активности ИЕ 6 Гостивар Сенада Ибраимова Levica - Terenski aktivnosti IE6 Gostivar Senada Ibraimova ... https://www.youtube.com/watch?v=FX81nVibXFc

Досега надоместокот кој што требаше да и се плати на Oпштина Гевгелија за градење ветерници беше во висина од 6 000 000 денари. Сега Министерството за транспорт и врски донесе нов Правилник со кој таа давачка се намалува на 1 200 000 денари и тоа стигна на дневен ред на Советот на Општина Гевгелија. Проблемите за ова во основа се три. Прв проблем е што Општина Гевгелија воопшто не е консултирана за ова, а согласно Законот за локалната самоуправа власта е должна благовремено да ја консултира Општината кога се одлучува за работи кои се однесуваат на неа. Согласно истот закон власта е обврзана да соработува со општините кога се во прашање изворите на финансирање на надлежностите на општините. Наместо ова, власта си соработува со милионери и моќници кои планираат да градат ветерници и по нивна желба го намалува надоместокот кој тие треба да и го платат и со тоа и го крати изворот на финансирање на Општината. Друг проблем е што надоместокот кој се плаќа веќе е мал и еднократен. Моќниците за тој мал и еднократен надоместок добиваат право многукратно, речиси бесконечно, да профитираат, трајно да ја пореметат животната средина, и да ги уништат локалните патишта при транспортот на ветерниците. Трет проблем е што ова е целосно спротивно на новите европски тенденции кои имаат за цел создавање енергетски самоодржливи општини. Целта на тоа е да се намалат давачките за општините и општините да се ослободат од приватните трговци и производители на енергија. Наместо тоа кај нас се стимулираат приватни моќници со дополнително намалување на нивните давачките кон општините. ПОРАДИ ОВА СОВЕТНИКОТ ОД ЛЕВИЦА, САШКО ЈАНЧЕВ, ПОБАРА ТОЧКАТА ДА СЕ СИМНЕ ОД ДНЕВЕН РЕД И ДО МИНИСТЕРСТВОТО ЗА ТРАНСПОРТ И ВРСКИ ДА СЕ ИСПРАТИ ИНИЦИЈАТИВА ЗА ДА СЕ ИЗНАЈДЕ НОВО РЕШЕНИЕ ВО КОЕ ЌЕ СЕ ЗЕМАТ ПРЕДВИД И ИНТЕРЕСИТЕ НА ОПШТИНАТА. ПО БАРАЊЕТО ТОЧКАТА БЕШЕ СИМНАТА ОД ДНЕВЕН РЕД. Во прилог говорот на советникот од Левица. ... https://www.youtube.com/watch?v=jF6EzheXi8o