انا دكتور حب ودي حلقة جديدة ليا انهارده هتكلم معاك عن الفراغ كتير من الرجالة المتجوزة مش بتاخد بالها ان الست اللي في البيت دي حياتها مملة وفاضية وطبيعي جدا الفراغ ده بيخلي حالة اي انسان النفسية وحشة وطبعا ده بيولد مشاكل كبيرة جدا وبيخلي الإنسان يهمل في نفسه وده طبعا اللي رجالة كتير بتعاني منه مع ان هما السبب الشغل في حياة الست مش بس علشان تجيب فلوس لكن بيديها طاقة نفسية بيديها فرصة تحس بقيمتها في الحياة في ناس كتيرة شايفه ان كل الستات ينفع تقعد في البيت بس للاسف ده مش حقيقي في ستات لو قعدت في البيت بتتحول لطاقة من الغضب بسبب الفراغ والملل والزهق ومبيكونش عندها اللي تديه ل اي حد وشوية بشوية بتفقد رغبتها في الاهتمام حتي بنفسها الشغل بيدي للبني آدم الرغبة في الحياة شجع شريكة حياتك انها تعمل اي نشاط حتي ولو بسيط ومتهتمش بالفلوس من وراه حتي ولو كنت غيور عليها خليها تنزل عمل تطوعي للبنات مثلا لكن قعدتها في البيت مع وجود طاقة هي مش بتستغلها هتتحول لطاقة غضب من نفسها ومنك وده هيطلع علي دماغك ودماغ أفراد الأسرة افتكر مرة جالي دكتور ودكتورة بعد الخلفة الراجل شاف انه من الأفضل الست تقعد في البيت وفعلا الست قعدت ومرت الكام سنة الاولي اللي الطفل بيكون فيها محتاج تواجد الام بشكل مستمر والست بقت مملة في كل حاجة وبقت بتتحانق معاه علي اتفه الأمور ودايما حاسه بحالة اكتئاب شديدة وكان الحل بعد ما سمعت كويس للاثنين ان الست ترجع حتي ولو ساعات قليلة لشغلها طبعا في البداية كانوا شايفين ان الحل ده مش هو اللي هيغير حياتهم وخاصة الراجل لكن بعد ما جرب الحل ده وشاف التغيير الرهيب اللي حصل في الزوجة رجع وشكرني علي نصيحتي ليهم وقالي باللفظ كده ان مراته رجعت تاني ذي ايام الخطوبة وبقي في مواضيع يحكوا فيها ورجعت حياتهم تاني ذي الاول وطبعا الطفل متاثرش بالعكس ده هو كمان ارتاح من تحكمات امه وزعقها فيه طول الوقت وعايز اقولك قبل ما اقفل حاول تشجع زوجتك تملي حياتها علشانك قبل علشانها لان الفراغ مش هيدفع تمنه غيرك #رمضان_يجمعنا #شهر_الفرحه #بودكاست #حب #علاقات #جواز #لايك #لايك_اشتراك ... https://www.youtube.com/watch?v=D2LljnQ6Yac