【聲音紀實】人心不熄　惟夾雜淚水 「我都很怕被捕，但我們唔企出馬路，遊行係唔會行到。」 幾次紅綠燈、幾次猶豫後，群眾慢慢步出銅鑼灣軒尼詩道，不消一回，瞬間填滿。 有人拍打電車門，怒罵電車司機，前面有人，為何還要踏掣開車。拖著肥仔的媽媽，也添言加語，罵罵司機。 肥仔拉著媽媽：「媽咪，唔好同人衝突啦！」媽媽激氣地說：「咁有人係前面，佢開車就係唔啱！」 群眾稍稍前行，卻聽見槍聲。人們撥手向後，高呼：「企後啲、企疏啲！」那些熟悉的手勢又再重現，這是群眾之間久違的密語。 肥仔再拉著媽媽：「企後啲啦，唔好企咁前啦！」媽媽說：「唔使咁驚喎。」小孩勸大人走、站後一點，成了抗爭之間有趣一幕。 不久，前方的人轉身奔跑，氣氛緊張起來。前方放了催淚彈，眾人後退，「一二、一二」，又再重現。愈行愈急、愈行愈快，「急步行啦」、「內街有狗」，不久後方又有一枚催淚彈。 人心未熄，但容不下群眾聚集，點火燎原。逃走過後，人群未有散去，如水般流入內街，又由內街湧回主幹道，散了又聚，民心從來不易驅散。 不少人走入希慎廣場躊躇不定，未知可去的前路，就像今日香港的前路一樣。 文字聲音為銅鑼灣Sogo第一輪催淚彈時 圖片為水炮車駛至灣仔時

【人群再現了】國歌法、國安法來臨前，警方多次舉起藍旗下，銅鑼灣Sogo對出，出現這一幕。