انا دكتور حب ودي حلقة جديدة ليا انهارده عايز اتكلم معاك عن الضهر والسندة احيانا كتيرة الست مش بتبق محتاجه غير احساس بأن شريكها هو ضهر وسند ليها وبس وأحيانا مش بتكون عايزه تدخله لكن مجرد احساس بوجوده وبردو الراجل عنده نفس الاحساس كتير من المواقف اللي بنتعرض ليها في الشغل مثلا او في الحياة عامة بنبق محتاجين حد نحكيله فياكد لنا بس اننا عملنا القرار الصح وان تصرفنا كان انسب تصرف في الوقت ده افتكر مرة جات لي زوجة بتقولي بص انا فاض بيا من كل حاجة في حياتي ومش طايقه العيشة انا عايشة في بيت عيلة وكل شوية في تدخلات في حياتي من اهله حتي في تربية عيالي حماتي بتتدخل وبتقولي اعمل ايه ومعلمش ايه ودايما كنت بحس اني ست فاشلة واني منفعش هي نصايحها صح جدا ومفيدة بس انا بحس اني فاشلة ده مرة كنت داخلة اسلق مكرونة راحت اخته جريت علي المطبخ وفضلت تقولي اعمل ايه واحط زيت في الميه وملح علشان متعجنش وطبعا بغلط وبتربك بسبب كلامهم ده وتصرفاتهم دي وسألتها عن علاقتها بجوزها قالت لي انه هو اللي مهون عليها الحياة اصلا ولولاه كانت طفشت من البيت قولتلها بصي انتي لازم تصارحي جوزك بكل حاجة جواكي واحساسك انتي مش مواقف اهله وبلاش نبره الانتقاد او الضيق من اهله لكن اتكلمي بس عن مشاعرك الخاصة واحساسك بالعجز قدام نصايحهم ومتعمليش ده مرة لكن خلي ده كل ما تتضايقي وأهم حاجة في نهاية الكلام قوليله بكل صدق انك مش مستنية منه أنه يعملك حاجة او يتدخل وركزي علي النقطة دي لان انتي هتحطيه في مواجهة بينك وبين اهله وطبعا دي مواجهة خسارنه وضغط كبير علي الراجل وهي سمعت كلامي والحمدلله نفذته بشكل صح وبعد فترة عرفت منها ان جوزها ابتدي يفضل انه يطلب ياكل من اديها هي ويقول قدام اخواته انا عايز مراتي اللي تعملي الأكل انا بحب طريقتها في الاكل ومرة اخته قالته دي مبتعرفش تعمل رد عليها هو وقالها انا بقيت استطعم الاكل من يدها كده وبالنسبة لمامته وأخواتها هما في البداية اتضايقوا منه لكن بعدين بقوا بيهزوا وبياخدوا الموضوع بضحك ويقولهم الحب ولع في الدرا أصله وأما مامته فالست الكبيرة بقت حاسه ان ابنها مبسوط وعياله مبسوطيين فبقت من غير مشاكل تقول للزوجة علي تصرفات الاولاد اللي مش عجباها وتشوف الزوجة بتتصرف ازاي وتشجعها وعلي فكرة بقت حبيبت الكل لدرجة ان اخته الكبيرة في يوم قالتلها انا طول عمري ماما كانت بتعدل علينا كل حاجة ونفسي القي راجل يتعامل معايا ذي اخويا ما بيعمل معاكي وبكده الراجل كان الضهر والسند اللي محتجاه الزوجة ومن غير خلافات او خسارة لحد وحل الموضوع كله كان في إظهار المشاعر من غير مانضغط علي الشريك بصورة تخليه ميعرفش يتصرف وعلي فكرة الراجل والست دول كانوا من قرية بسيطة مكنوش من أهالي المدن بس الحب مش محتاج تعليم وثقافة معينه او مكان معين لانه اصلا موجود جوانا بس بيحتاج مننا فرصة علشان نعرف نطلعه صح وقبل ما اقفل عايز اقولك الضهر والسندة بدايتها من انك تتكلم مع شريكك متتوقعش انه هيفهم لوحده وتسيبه يخبط انت لازم تكون له ضهر وسند في انه يسندك ويقويك ... https://www.youtube.com/watch?v=FDNAAlIpFsY