Програмата за превенција на детско престапништво која се најде на дневен ред на 6-тата седница на Совет на Општина Делчево, не предвидува конкретни мерки и активности за борба и превенција против детското престапништво кое што е во постојан пораст. Од страна на советничката на Левица беа потенцирани недостатоците на програмата, меѓу кои: отсуство на временска и финансиска рамка за реализација, неможноста за пресметување на процентот на реализација според формулираноста на активностите, општи и произволно нафрлани насоки без да се направи анализа на ризик факторите кои треба да бидат основа за креирање на истата итн. Безидејноста на одговорните и надлежните органи се огледа во предлагањето неефикасни решенија за општествените проблеми. Неквалитетните програми кои ги предлагаат и нивната индиферентност во пристапот за најосетливите теми во општеството, можат да резултираат само со неуспех на што им беше укажано. Занемарувајќи ги сериозните последици од несериозниот пристап кон ова прашање, Советот ја усвои оваа програма со 14 гласа ЗА и 1 ПРОТИВ ... https://www.youtube.com/watch?v=bu4tasQQzTg

На дваесет и петтата седница на Советот на Општина Гевгелија, советникот од редовите на Левица, Јанчев, имаше поднесено иницијатива со која се предвидуваше изработка на Правилник со кој требаше да се предвидат критериуми за распределба на општински пари на спортските клубови од Гевгелија. Сегашната пракса на правење програма за распределба на средства до спортските клубови во Општина Гевгелија е противзаконска. Програмата сега ја изготвува градоначалникот, а средства се делат без правилник што е спротивно на Законот за спорт кој предвидува дека таков правилник мора да има и дека програма за распределба на средства подготвува и предлага Комисијата за спорт на Советот, а не градоначалникот. Советникот од Левица во Советот на Општина Гевгелија потенцираше дека ваквата пракса е мешање во надлежностите на Советот од страна на градоначалникот и дека истата негативно се одразува на развојот на спортот на територија на Општина Гевгелија. Во дел од своето излагање советникот рече: “Средствата се делат арбитрерно без утврден принцип за тоа кои спортови ќе имаат приоритет и кои резултати се очекуваат да се постигнат од дадените средства и тоа е една од причините зошто ни фалат спортски успеси. Дури има и чудни ситуации кога клубови кои се бават со исти спортови и кои имаат идентични резултати да добиваат различни средства.” Toj потенцираше дека изготвувањето на еден добар правилник ќе ги исправи сите овие работи и затоа јавно од говорница побара во процесот на изготвување да се вклучат Комисијата за спорт, останатите советниците и спортските работници. Покрај тоа што беше потенцирано дека досегашната пракса е противзаконска, дека е законска обврска да се изготви таков правилник, дека досегашната пракса е мешање во надлежностите на Советот од страна на градоначалникот и дека истата прави проблеми, советниците од редовите на ДПМНЕ гласаа против и предлогот не беше усвоен. ЛО ЛЕВИЦА ГЕВГЕЛИЈА #ЛевицаОдСовет ... https://www.youtube.com/watch?v=BJjlDeXJLS8

На 9-та седница на Советот на Oпштина Охрид, советникот на Левица, Виолета Аврамоска, побара да се обезбеди сигнализација на две раскрсници во Охрид , раскрсницата на ул. Железничка и ул. Кленоец и раскрсницата на ул. Питу Гули и ул. Марко Нестороски. Овие раскрсници се единствени во Охрид на кои има семафори, но тие не функционираат. Движењето на раскрсницата на ул. Питу Гули и ул. Марко Нестороски има голема циркулација на возила , особено ул. Питу Гули, која е улица со предност на минување. Семафорите на оваа улица веќе веќе подолго време не функционираат , така што практично движењето на возилата кон центарот на градот во утринскиот период , од 7 и 30 до 8 часот, е многу отежнато. Со оглед на тоа што во непосредна близина на оваа раскрсница се наоѓа ОУ ,, Христо Узунов", вака без сигнализација, загрозена е и безбедноста на учениците, како и на другите пешаци. Во овој дел наутро има еден полициски службеник, но со тоа не се постигнува никаков ефект, бидејќи училиштето работи во две смени, а треба да се има во предвид и големиот одмор кој го имаат децата. Токму поради тоа, советникот на Левица предложи на оваа раскрсница да бидат вклучени семафорите се' додека не се изнајде друго соодветно решение за обезбедување на раскрсницата. Што се однесува до раскрсницата на ул. Железничка и ул. Кленоец, исто така беше предложено од советникот на Левица да бидат пуштени во употреба семафорите поради безбедноста на учесниците во сообраќајот, се' до донесување на посоодветно решение од страна на стручните за тоа. ... https://www.youtube.com/watch?v=g0Vp89vhePo

- На ред е генералната проба за Бугари во Устав, почитувана македонска јавност! Ова ќе ви биде новата реалност. А Вие, почитуван Мицковски, веќе нема каде да бегате! Вие тука ќе си седите и ќе ја трпите вистинската опозиција, а тоа се овие шестмина арслани таму - вака го започна собранискиот говор денес, пратеникот и претседател на Левица, Димитар АПАСИЕВ. Обраќајќи се директно кон Мицковски, Апасиев потенцираше: - За ова што го направи, почитуван Мицковски, има македонскиот народ многу мудра изрека: ,,Вие отидовте по волна, а се вративте стрижени!" Ете - тоа направивте! Се чукавте во гради со 58, со 61 - колку купивте: тројца - четворица како на кванташки, за да дадете спикерско место и да одите кај Африм Гаши на ,,баци рака", за да ви закаже седница! Затоа Македонија повторно ќе биде ваша и само ваша, но не - на народот! Апасиев истакна дека ДПМНЕ прави косоваризација на Македонија. - Ќе нема парламент во светот на којшто ќе се пресадава на македонски јазик. Двојазичните документи за кои вашата сегашна претседателка Силјановска климаше со глава, кога со Мицевски приговаравме зошто ни се даваат двојазично, истата таа пракса ќе продолжи и сега - рече Апасиев. Лидерот и пратеник, Димитар Апасиев, ги потсети пратениците од ДПМНЕ за лажираниот попис, за којшто собираа потписи, па ги фрлија во ѓубре. Ги потсети за етничката припадност во личните карти на нивниот нов коалиционен партнер, БЕСА... Ги потсети за двојазичните униформи, којшто уште Груевски ги прифати... За вештачките албански паралелки во Велес, во Чашка, во Гази Баба... За кворумџиите нивни кои правеа кворум и гласаа за измените со коишто стотици дпмнеовски функционери гонети од бившото СЈО, сега се слободни граѓани... За културно - забавниот живот кој ДПМНЕ го приреди за време на протестите за Францускиот предлог, додека Урсула им држеше лекции... За широката коалиција со Ковачевски... За саботажата на протестите за онкологија кога со циркуларка ги отповикаа нивните членови од теренот. За легализацијата на дивоградбите којшто ги одблокираа за да си ги легализираат нивните хациенди... - Затоа, Вардар не ве пере за срамот што му го нанесовте на македонскиот народ - поентираше Апасиев. ... https://www.youtube.com/watch?v=iIkuXc7WueI