Вчера целата јавност беше сведок како незаконски и брутално се злоупотребува полицијата, затворската полиција, како и началници, заради заштита на партиската врхушка на СДС! Нашиот истакнат член на Централен Комитет, ИГОР СМИЛЕВ, беше малтретиран од затворската полиција под директива на директорот на затворот на Шутка, Филип Андонов. Откако беа опколени од страна на насилниците на Андонов и им беа изречени неколку закани, на нашите членови, спротивно на сите законски овластувања, од страна на затворските полицајци, кои не беа во униформа, им беше побарано да се легитимираат. Членовите на Левица побараа прво насилниците да покажат легитимитација, кои продолжија со навреди и закани. Сето ова кулминираше со физичко насилство, при што нашиот член Игор Смилев беше турнат на земја! Ангажирање на затворска полиција за јавни настани е директно прекршување на законските прописи, со што истата се злоупотребува за тесно партиски интереси. Го прашуваме министерот Оливер Спасовски зошто МВР не интервенираше кога цивилни лица се закануваа и бараа легитимации од присутните на манифестацијата? Дали вчера затворската полиција, која е со ограничени овластувања, спротивно на законите беше ставена во служба на МВР и партискиот врв на СДС? Јавно бараме од министерот за правда Никола Тупанчески да го разреши директорот Филип Андонов и да испита кои се лицата кои малтретираа и се закануваа на активисти на Левица и неовластено бараа да се легитимираат. Јасно е дека секоја диктатура во нејзиниот залез се користи со најрепресивни методи и заплашувања, за очајнички да ги спаси своите последни денови на власт. Гневот на народот расте секојдневно кон хибридниот режим и блиску е денот кога сите овие извршители на погубните политики ќе бидат извадени пред лицето на правдата. Нашата порака е јасна: Ниту бараме милост, ниту ќе добиете милост кога нашето време ќе дојде! ... https://www.youtube.com/watch?v=AzdtCkugRxo

... https://www.youtube.com/watch?v=kIuoPIP9CDY

Обраќањето на пратеникот на Левица - проф. Димитар Апасиев, по повод неделовничкото конституирање на новата Влада. ... https://www.youtube.com/watch?v=oOwiZQgmspY

*Обраќање на КАТЕРИНА ЈОВАНОВСКА, Совет на Град Скопје Надоместот за образовни асистенти за децата со попреченост во средните училишта дупло зголемен благодарение на Левица. Од оваа учебна година образовните и личните асистенти кои работат со деца со попреченост во средните училишта во Скопје, ќе добијат зголемен надоместок по усвоен амандман на советниците на Левица во Град Скопје. Со овој амандман средствата наменети за образовни и лични асистенти кои што работат со децата со попреченост во средните училишта, се зголеми за дополнителни 1.500.000 денари или вкупно за оваа намена се предвидени 3.000.000 денари. Со измената на Програмата за образование, иницирана од усвоениот амандман на Левица, а која што вчера беше изгласана од страна на советниците, надоместокот за образовни и лични асистенти за децата со попреченост во средните училишта во град Скопје, од 9.000 денари ќе се зголеми на 14.000 денари, а за секој дополнителен ангажман, надвор од предвидените 20 часа неделно, ќе следува и додаток од плус 4.000 денари, со што практично двојно се зголемува надоместокот, кој досега се исплаќаше за оваа намена. „Досегашната пракса покажа дека многу деца со попреченост во средните училишта во Скопје, немаат образовни или лични асистенити, од причина што нема доволен број на асистенти. Една од причините за незаинтересирасноста и слабиот одзив на јавните повици за ангажирање на лични и образовни асистенти е нискиот надоместокот кој се одвојува за оваа намена и изнесува 9.000 денари. Сметаме дека зголемувањето на надоместокот за образовни и лични асистенти ќе биде стимул за што повеќе лица да се пријават на јавните повици за образовни и лични асистенти и дека со тоа ќе се обезбедат доволен број на асистенти, за секое дете со попреченост кое што има потреба да добие личен или образовен асистент“ – истакна Катерина Јовановска, член на Советот на Град Скопје од редовите на Левица. ... https://www.youtube.com/watch?v=M2lun-clZSg