#選委會 #職工盟 #工聯會 今日我地講下兩件事, 一件就係我黃遠康突然「被炒魷」既故事, 另一件就係選委會點票進度緩慢，有人就話係因為公務員入面有黃絲搞事，大家又點睇呢？今日會同大家講下近日又開始受人質疑既公務員，到底點解選委會選舉會點票點咁耐架呢？又有冇方法可以改善呢班手軟腳軟既公務員呢？ 入正題之前同大家分享一個笑話。星期一小弟搭地鐵返工果陣，竟然俾我見到地鐵新聞話工聯會宣布解散。我當堂嚇一跳，以為自己突然間失左業，咁我仲駛唔駛返工呀？原來最後得啖笑, 事源係商台新聞出錯資料，解散既係職工盟而唔係工聯會。到底係有心人特登誤導，定係政治水平真係咁低呢？我喺呢到同大家澄清，工聯會係冇解散架。無論港鐵定係商台, 好應該做好呢個把關工作, 唔好諗住得過且過, 做呢D小動作就冇人發現至得架！我地工聯會40幾萬會員，你估真係會冇人睇到咩。 我地就講下星期日完成既選委會選舉。呢場選舉係香港完善選舉制度後第一場選舉，點知最後點票點左14個鐘，令到傳媒又有新野可以發酵。星期日全香港總共有5個票站，政府足足用左一個鐘頭，先將5個票箱陸續拎到返會展開始點票。其中, 荃灣票站既票箱, 更加去到11點先去到灣仔。選管會主席馮驊去到夜晚9點左右，先至打開第一個票箱，點票工作已經遲左成個鐘。票箱去到點票中心，就有一大堆工作要做，工作人員要先將選票分類，淨係分類, 都已經午夜時份。跟住工作人員又要將選票過機掃描，中間又有機器食紙，又有職員填錯資料。最後搞到凌晨3點，先公布第一組既結果。 選委會選舉已經完左，有人就話，一定係有班黃絲公務員搞事，特登JAM紙拖慢進度，務求令到成個點票過程錯漏百出。咁當然我唔排除公務員團隊入面，真係有害群之馬啦。但係一兩個害群之馬，我相信唔可能將個點票過程拖慢。連行會成員湯家驊都話，我地完善左選舉制度，但係漏左完善點票制度。咁到底有冇一d根治既方法，可以令到公務員體制做到一個真正改變呢?？我就研究左幾個地方既公務員制度，大家又覺得香港政府可唔可以試下做呢方面既改革呢？ 公務員做晒宣誓之後，又加深左同內地交流，而家已經唔係爭論佢地政治忠誠度既時間。我地應該留意公務員制度4方面既能力。第一，公務員隊伍有冇做好公眾問責既準備呢？定係收到投訴又懶懶閒唔駛負責任呢？第二，公務員同問責官員有冇配合呢？ ... https://www.youtube.com/watch?v=qCMoyO_QEu4