انا دكتور حب ودي حلقة جديدة ليا انهارده هتكلم معاك عن جمال الجسم طبعا كلمة جمال الجسم هيخليك تتخيل اني هتكلم عن الرجالة بس لا طبعا في بنات بتحب شكل الولد وجسمه يكون له هيئة معينة وعنية خضرا مثلا فالموضوع يخص الرجالة والبنات نقطة الجمال دي هي عنصر مهم ان يكون شكل شريكك مقبول بالنسبة لك بس الجمال في حد ذاته ميبنيش علاقة الجمال ده لو انت عايز تتباهي بيه ممكن تكون جميلة جدا بس كدابة مثلا وبتعمل حوارات في كل ثانية او يكون شكله حلو بس بخيل مثلا ساعتها الجمال مش هيكون له قيمة فالارتباط المبني علي الشكل اللي بره ارتباط فاشل افتكر مرة بنت كانت في غاية الجمال وكان كل الشباب هيموتوا ويتعرفوا عليها وجمعتني بيها ظروف وقربنا من بعض وشفت شخصية مقدرتش اني حتي اتحمل صداقتها وللأسف الناس كانت تشوفني قاعد معاها تتخيل اني محظوظ وانا من جوايا كنت بقول يارتكم تجربوا اللي انا حاسه دلوقتي وتاخدوا شوية من حظي وافتكر بردو بنت كانت في الأوقات العادية مش متلاحظة ومش جاذبه الاهتمام ليها وكنا في مناسبة ودخلت علينا ملكة جمال بتسلم علينا وكلنا بنسال هي مين دي وطبعا كانت صدمة كبيرة لناس مننا انها هي البنوته اللي محدش منهم كان شايف انها جميلة وكله غير اسلوبه معاها بس هي بصراحة في كل احوالها كان جمالها هادي وطبيعي ومش متكلف وكانت بتعرف تظهر في كل مكان باللي يناسبه ففي الشغل كانت بتظهر باللي يليق بالمكان وطبعا لما جت فرصة ظهرت بالشياكة والأنوثة اللي تليق بالحفلة وده حاجة بالنسبة لي كانت تزيد جدا من جمالها ان هي عندها روح التمييز وتعرف في كل وقت تختار اللي يناسبه وعايز اقولك لما تحب حد حاول تشوف كل جنب منه وتشوف جماله كامل مش جمال جسمه وبس #رمضان_يجمعنا #شهر_الفرحه #بودكاست #حب #علاقات #جواز #لايك #لايك_اشتراك ... https://www.youtube.com/watch?v=__H_Zqx_eNg