انا دكتور حب ودي حلقة جديدة ليا انهارده هتكلم معاك عن المعاكسات مفيش راجل مش عارف البنات بتتعرض ل ايه في الشارع وبتكون قلقانة ومش طايقة نفسها قد ايه كل مرة بتنزل فيها وللأسف احنا كرجالة لو حد بيبص لينا بالطريقة اللي بيتبص بيها للبنات في الشارع اعتقد اننا هنولع في اللي بيعمل كده لان فعلا الموضوع مش حلو ابدا وبايخ جدا واحساس بيخلي الواحد مخنوق فتخيل بقي ان البنت بعد كل المعاكسات اللي بتمر بيها علي مدار حياتها اللي تحبه يكون بردو عنيه دايما علي جسمها بشهوة انا مش بقولك متبصش علي شريكتك لكن متضايقهاش ببصتك هي فيها اللي مكفيها ده في بنات بيكرهوا جسمهم بسبب انه هو السبب ان في ناس بترعبهم وتجري وراهم في الشارع فالموضوع ده له حساسية خاص جدا عند أي بنت وكتير منهم بيكون الموضوع ده مؤلم ليهم فأنت حببها في جسمها خليها تحس بالأمان في نظرتك خليها تحس ان جسمها حلو ومش المشكلة فيها هي بالعكس هي جميلة لكن اللي بيضايقوها دول متخلفين فأنت تكون بتهون عليها حياتها متكونش بتزود همها انت كمان بص كل واحد مننا بيكون منتظر من شريكة الأمان والهدوء الراحة فأنت لو كنت لشريكتك ذي الناس الغريبة كده انت بتدمرها وبتزود همها ومتبقاش عامل نفسك ناصح وتتكلم بحنيه وانت هدفك في النهاية تضحك عليها وتوصل معاها للجنس لان كده انت فعلا بتدمر حتي اخر امل ليها انها تلاقي حد مختلف بجد ويعاملها علي انها بني آدم مش شهوة وبس لو بتحبها فعلا حاول انك تشوفها بالطريقة اللي تناسبها هي واوعي تحاول تضحك عليها وتستغل قربها منك بسبب انها حبتك وثقت فيك في انك تستغلها بشكل جنسي علي فكرة هي فعلا عندها رغبات جنسية ذيك بس هي محتاجه اكتر شوية من الجنس محتاجه حب بجد وتقدير ومشاعر وخوف عليها واحتواء ليها وحاجات كتيرة قوي هي مش فاصلة الجنس عن باقي المشاعر وده اللي لازم توفره ليها لان ده الوسيلة الوحيدة اللي هي ك انسانة بتنور بيها وبتحلو بيها اي وسيلة تاني بتطفيها والاحساس ما بين الشهوة وانك تكون معاها بالشكل المناسب لتكوينها ك بنت كبير جدا واللي بيخلي شريكتك مميزة عن اي وحدة تاني انك تتعامل معاها بالشكل اللي يناسب تكوينها لأنك ساعتها هتحس معاها حاجات محدش غيرها هي بس اللي هتقدر تحس بالحاجات دي وعلشان كده في رجالة لو أتعرض عليهم مليون ست مش هيقبلوا يخون زوجاتهم لان هما ارتبطوا بشخصياتهم وده نوع مختلف تماما في كل حاجة اما الجنس العادي الراجل بيشوف اي وحدة تنفع للعلاقة وتنفع تكون معاه بس عمره ما بيحس بالاستمتاع بجد وبيفضل يسعي لبنات مختلفة علي امل انه يلاقي شي مختلف او ممتع وده طبعا مبيقدرش يلاقيه لأنك لو هترتبط بجسم فكل البنات ذي بعض وكل الرجالة ذي بعض لكن المميز فعلا هو الشخصية اللي مرتبطة بالجسم ده وعايز اقولك قبل ما اقفل استمتع بانك تدي الأمان وتدي الجمال وتكون طاقة لشريكتك وساعتها هتلاقي شريكتك ملت حياتك باجمل مشاعر تفوق خيالك اصلا #راديو #اذاعه #بودكاست #حب #ارتباط ... https://www.youtube.com/watch?v=q9CaPXOFmhA

... https://www.youtube.com/watch?v=PeV01TNoitY