انا دكتور حب ودي حلقة جديدة ليا انهارده عايز اتكلم معاك عن قعدات الرجالة طبعا دي حاجة معروفة قعدات الولاد اللي فيها حكاوي عن البنات بيكون كل الكلام فيها غريب شوية يعني ذي انا مستحيل اخلي مراتي تلبس كده وتنزل او ده خروف اول ما ترن عليه يجري يروح وده بيخاف من مراته وكمية كلام سلبي جدا عن العلاقات وفي الاغلب ملهوش علاقة بالواقع اصلا وده القعدات المحترمة لكن القعدات اللي مش محترمة بقي اي حد يسمعهم يتخيل ان كل بنات العالم مش محترمة وبيكون في واحد دايما بيحكي بقي عن غرامياته والستات اللي بيكلمها من ورا اجوزهم وكلام أقرب للخيال العلمي ومقدرش اقول ان كل الكلام مش بيحصل لا في جنب منه ممكن يكون صح فعلا وبيحصل بس مش كله وحتي ولو كل الكلام صح فده مش معناه ان كل العالم كده لكن الراجل المسكين اللي بيسمع الكلام ده بيتكون جواه خوف يااما انه يكون خروف بسبب لبس مراته يااما يكون بيتخان وده طبعا بيأثر عليه بشكل سلبي جدا في علاقته وبيخليه يعمل تصرفات كلها غلط تقريبا يا غيرة زيادة عن اللزوم يا شك يا حماية مبالغ فيها يا بيحاول يتصرف بشكل مبالغ فيه علشان يثبت لنفسه انه مش ذي اللي صحابه اتريقوا عليهم وكل ده بيكون بسبب القعدات دي طبعا القعدات دي خطر جدا وبتدمر علاقات كتير وممكن يكون الشاب كويس جدا بس مش عارف يتخلص من التأثيرات دي لو انتي مع حد من النوع ده في علاقة وبتحبيه حاولي توصلي للطفل اللي جواه وتطمنيه وبلاش تكوني بيتخانقي لان هو مش هيقتنع والموضوع مش حله الخناق قد ما حله انك تثبتيله غلط افكار أصحابه جوه علاقتكم لو حسيتي مثلا ان في انتقاد موجه له او ممكن يتوجه له بسبب تصرف انتي عملتيه او لبس دافعي عنه متستنيش هو يدافعك عنك وهو مهزوم في الحته دي يعني مثلا حاسه ان في شخص مركز معاكي في القعدة دي وهو واخد باله امسكي يده واهمسيله مثلا بحبك ومطمنه في وجودك ومش عايز اقولك حاجات تعمليها لان الموضوع مش روشته هقولهالك وتمشي عليها انتي بس اقتنعي انك محتاجه تقفي جنبه في مواجهة الأفكار دي وهتلاقي نفسك عارفة كويس تعملي ايه وتنقذي شريكك من الحاجات دي ازاي بس اكيد مش بالخناق ولو حسيتي انك مش قادرة فالاحسن انك متحاوليش تغيريه وسبيه علشانك وعلشانه وقبل مااقفل عايز اقولك الذكاء العاطفي ده حاجة الست مخلوقة بيها وهي تقدر تنقذ كويس الراجل من الأفكار اللي بتتعبه ذي دي بس خليكي واثقة في نفسك وشيلي من دماغك الخناق وشوفي حلول تاني ومتاكد انك هتلاقي وهتنجحي علاقتكم ... https://www.youtube.com/watch?v=tWDkd2ORsTM

انا دكتور حب ودي حلقة جديدة ليا انهارده عايز اتكلم معاك عن التغيير مش دايما التغيير هو الحل المثالي للحياة اللي بنعيشها احيانا كتيرة بيكون مجرد الرضا في حد ذاته هو الحل المثالي للي بنمر بيه افتكر مرة جت لي مشكلة من زوجة بتقولي فيها ان تصرفات جوزها الغير مسؤولة دايما بتسبب ليها معاناة وهي نفسها جوزها يتغير ويبق مسؤول لان ده بيعمل ليها تهديد شديد في حياتها وقالت لي مثال علي اللي بيحصل بينهم انه مره نسي مفتاح الشقة في الباب وقفل الباب ومشي ولما رجعوا كان لازم انهم يكسروا الباب وهي حست جدا انه مهمل بس هو خد الأمور ببساطة شديدة ومكنش مضايقه غير عصبيتها طبعا نصحتها ساعتها انها تحاول تتقبل جوزها ذي ما هو وتتقبل تعافر مع نفسها انها متتوترش في كل موقف هو بيعمله من وجهة نظرها مش صح وتحاول انها متكونش ست الناظره عليه طول الوقت وتواجهه انها بتخاف وتتكلم معاه عن مخاوفها هي وبلاش تحاول تغيره لكن تحاول انها تثق فيه اكتر وتحاول تبطل تديله تعليمات كأنه عيل صغير لانه بالطريقة دي هي بتوتره وصعب ان يعيش انسان وهو دايما خايف من التقييم اللي دايما بيكون قاسي وكلماته جارحه ونكون متوقعين منه أنه يعمل الصح ده شبه المستحيل قولتلها تجرب تغير من نفسها وترضي بيه ذي ماهو وبعد فترة طويلة من قعدتنا اتقابلنا تاني وقالت لي انها عانت في البداية جدا مع انها تتقبل نصيحتي ليها لكن بعدين جربت وعملت اللي قولت عليه ولقت جوزها بيتحول لشخص تاني تماما وبقي حد مسؤول اه منكرش ان المقابلة التانية كانت بعد اكتر من سنتين لكن الموضوع كان يستحق لأنها دلوقتي مبسوطة وحياتها افضل وعايز اقولك قبل ما اقفل بدل ما تفكر في تغيير شريكك حاول انك تتقبله وتتغير انت #رمضان_يجمعنا #شهر_الفرحه #بودكاست #حب #علاقات #جواز #لايك #لايك_اشتراك ... https://www.youtube.com/watch?v=TGKnWMytkA4