लाखे तथा दाफा भजन अक्षय कोष (अपडेट) कृष्ण जन्माष्टमी मेलाको रौनक भनेको दाफा भजन सहितको लाखे नाच हो । यसलाई हाम्रा पिता-पुर्खाले यहॉंसम्म ल्याइ पुर्याए । टक्सारमै हुनेले प्रत्यक्ष देखेर, हेरेर आफ्ना शारीरिक, मानसिक तनाव भुलेर जात्राको स्वच्छन्द वातावरणमा कावा खाँदाको त्यो स्वर्गीय आनन्दको रसपान गरे नै । टक्सारदेखि नौ डॉंडा कटेका तथा सात समुद्र पारिकाले पनि फेसबुकमा राखिएका भिडियो मार्फत् दाफा भजनको तालमा प्रस्तुत लाखे नृत्य हेर्न पाएर धन्य भए । टक्सारबाट बसाइँ सरेर धरान, बिराटनगर, उर्लाबारी, बिर्तामोड, दमक, फिदिम, इलाम, खाँदबारी, हेटौंडा, नारायणघाट, बीरगञ्ज, काठमाडौं, ललितपुर, भक्तपुर लगायत नेपालका प्रमुख शहरहरूमा टक्सारे लाखेको प्रतिकृति(रिप्लिका)को रूपमा भोजपुर टक्सारको लाखे भनेर, चिनिएर लाखे नाच्छन्, नचाउँछन् । तर दाफा भजन सहितको लाखे नाचको मूल थलो, मुहान टक्सार बजारको यो सॉंस्कृतिक धरोहरलाई यस्तै जिउँदो, जाग्दो बनाएर जोगाइ राख्नु हाल टक्सारमा रहेका १ दर्जन वा १ कोरी परिवारको मात्रै जिम्मेवारी हो त ? कुनै बहुमूल्य बस्तुको महत्व गुमाए पछि मात्र थाहा हुन्छ । घर परिवारबाट टाढिएका विदेशिएकाहरूले घर परिवारको माया कस्त़ो भन्ने बुझ्दछ । आफूले श्रम पसिना पोखेर कमाएपछि बाउ आमाले कसरी हुर्काए बढाए जान्दछ । देश गुमाएर पराधीन भएपछि स्वदेशको माया र गुमाउनुको पीडा महसूस गर्दछन् । तब त देशप्रेम, देश भक्तिका लागि मर्न र मार्न हिच्किचाउँदैनन् । बरू शहिद हुन्छन् । टक्सारको दाफा भजन र लाखेको सवालमा पनि यिनै कुराहरू लागू हुन्छन् । लाखे नेवाः बस्ती भएका अधिराज्यका सम्पूर्ण प्रमुख शहरहरूमा नचाइन्छ - रहरले, मनोरञ्जनका लागि, संस्कृति संरक्षण र प्रवर्द्धनका लागि । अचेल त पैंसा कमाउन गैर नेवाःहरूको झुण्ड पनि बैण्ड बाजा बजाएर लाखेको नाममा बुख्याचा बनेर उफ्रिन थालेको छन् । तर टक्सारको दाफा भजन सहितको लाखे परम्पराको आफ्नै मौलिकता र विशेषता छ । बसाइँ सराइ वा लाहुरे बन्नु कसैको रहर, कसैको बाध्यता होला । गाउँमा सडक बाटो पुगेपछि टक्सारको दिन फिर्छ भन्थे । त्यो पनि आधा सत्य साबित भइदियो । गाउँमा हजार कमाए पनि दुःख-सुखले जीविकोपार्जन गर्दै गरेकाहरू बिेदेश गएर लाखौं कमाउन थालेपछि गाउँ फर्कनै बिर्से । शहर पसेका र विदेशमा जमेकाहरू गाउँमा पुग्न जुग लाग्ने भयो । कतिको सास मात्र आइ पुग्छ ; कतिको लाश । यस्तो परिस्थितिमा टक्सारमै रहेर संस्कृति, संस्कारहरू सम्हाल्ने जिम्मा टक्सारमै ठच्चिएर बसेका टक्सारेहरूको मात्रै हो त ? आजको एक्काइसौं शताब्दीमा आइ पुग्दा पनि दुई सय वर्ष अघिको कला तथा निधिको जगेर्ना तथा विकासका खातिर “लाखे तथा दाफा भजन अक्षय कोष” को स्थापना गरिएको छ । यसका लागि एभरेष्ट बैंक लिमिटेड, भोजपुर शाखामा तपसील बमोजिमको बचत खाता (Saving Account) खोलिएको छ । Bank Name: Everest Bank Limited Bhojpur Branch A/C Holders Name: Prem Kumar Shakya/Chandra Krishna Tamrakar/Yogesh Kumar Udas Account No. - 05100501201647 (एकाउण्ट नम्बर सम्झन सजिलोको लागि 05100 50120 ... https://www.youtube.com/watch?v=C0427vkda9A

#outstanding #Drive #feel #mazzacreation ... https://www.youtube.com/watch?v=kfi73GKbYCs