مهما صبرنا متنسوش ان حتي ولو سلاح المصري حلة هيهزم بيه دبابة ده مش حماسة قد ما هو تاريخ اسألوا عنه فرنسا لما جيتوا معاها في عدوان بالحلل وشباشب نسوانا من غير طلقة واحدة دفناكم الحكاية بسيطة احنا شعب فدائي وانتوا شعب لمؤخذه ورا حتت صاج مداري ابني بارليف وابني اللي تبنيه علي رأي الشعب ولا عيب اقولك خرموها ازاي خليها بخراطيم وشوية ميه يا مسخرة الارض جايين قدام مين وتتحدوا السلاح خلناه ليكم بس احنا كل واحد مننا سلاح ده الفرق بينا وبينكم وجولدا تشهد ده حتي كانت في حضن فلسطيني فضحيتها كانت معروفة مقدرتش تقاوم الست حاولت لكن البطل اخترق دفاعتها ابقوا اسالوها هو دك حصونها بايه يمكن تتكسفوا منظركم وحش بصراحة عاملين عندكم مخابرات واحنا عندنا ابو العربي عرف مقاسات حاجات مينفعش عيب حتي ولا رأفت لما دخل قرطسكم وجنودكم رجعوا بكستور بعد الدخلة قصدي بعد الهزيمة وانغام كيوتت ستاتنا شرشحت بطل جيشكم خلته يخاف علي فخاده وبكرة ذي ما خليناكم نكته بنهزر بيها هيجي الوقت وبتقال مين دول وعاشوا في انهي عصر وهتشوفوا الي لقاء قريب جدا سنكون نحن بعده وانتم ستصيرون ذكري كمن سبقكم ... https://www.youtube.com/watch?v=IjqB7yXS_40

انا دكتور حب ودي حلقة جديدة ليا انهارده عايز اتكلم معاك عن مجالس البنات البنات لما تقعد مع بعض وتحكي لبعض عن العلاقات وتحكي تصرفات الولد لصاحبتها اللي طبعا مش بتتوصي تطلع القطط الفطسانة في الولد يعني كل عيوب الدنيا اللي في الراجل واللي مش فيه بتطلع وبالذات لو لسه الاتنين في مرحلة الاعجاب تلاقي البنات قاعدين يحللوا شخصيته وتصرفاته وده عمل وده قالي ولما خرجنا حصل وصاحبتها تفسر علي مزاجها كل حاجة طبعا هما بيعملوا كده لان الرجالة صورتهم وحشه عند كتير من البنات وطبعا ليهم حق شوية بس احيانا المجالس دي بتكون ظالمة شوية وجايه علي الراجل شويتين لان مش كل الرجالة عندها خبرة ذي ما انتوا فاهمين قوي كده ومش بياخد باله من التفاصيل بالدقة اللي بتحللوا بيها المواقف نصيحتي ليكي خدي حذرك ده مش غلط بالعكس بس بلاش تستعجلي في الحكم علي الراجل ومتخليش علاقتك بالشخص المعجب بيكي هي الحوار اللي بتتسلوا بيه انتي وصحابتك لان مش دايما هما صح ومش كل حاجة بيقدر يشوفها اللي بره العلاقة في حاجة بتتفسر غلط لان اللي بره ميعرفش تفكير الولد ولا يعرف مشاعره تجاهك شكلها ايه فمش صح كل يوم تقابلي صاحبتك او تكلميها وتقولك عملتي ايه مع المنيل بتاعك تروحي حاكية كل حاجة بالتفاصيل وتتناقشوا في اللي حصل انا فاهم انك مستغربة الموضوع وخايفة وقلقانة من انه ميكونش كويس وانه يكون بيلعب بيكي بس انتي كده بتظلمي نفسك لانه ممكن يكون شخص بسيط وتلقاني وبيقول الكلام مش قصده حاجة من وراه وهتخسري ايه لو جربتي للآخر وافترضتي سلامة النية هتقوليلي ما هو ممكن يطلع وحش ونيته سوده هقولك بردو ما هو ممكن يطلع حلو وانسان رائع وكل حد مننا بيعمل حاجة مبيبقاش عارف نتايجها وبيكمل فيها لحد ما يوصل لنتيجة يا اما مش هتعملي حاجة في حياتك خليكي واثقة في وعييك وفي نفسك وعلي فكرة لو في حاجة وحشة بانت من الراجل انتي ببساطة هتحسي وساعتها هتعرفي اذا كان مناسب أو لا انك تكملي معاه ومش غلط ابدا انك تختبري الراجل وتعمليله امتحانات علشان تتعرفي عليه اكتر بس بلاش استعجال في الحكم عليه يعني مش مجرد ما يقولك جسمك حلو مثلا يبق ده هدفه الجنس وبيلعب بيكي وبيتسلي وعايز جنس وبس افتكر في مرة بنت كلمتني وقالت لي انا مش قادرة اتخيل انه عمل كل ده علشان الجنس وبس قولتلها هو قالك حاجة قليلة ادب قالت لا بس اسمع صوته في الفويس ده ولما سمعت كان الراجل بيكلمها وهو نايم فصوته شوية سهتان قولتله استني شوية بس وبلاش تحكمي عليه بحاجة وشوفي لما يطلب منك جنس ابقي اقطعي معاه وطبعا الراجل مكنش قاصد اصلا اي حاجة ووحدة تاني قالت لي ده شخص مش متربي وسافل ولما سألتها عن السبب بعتت لي اسكرين شوت فيه كلمة اتكتبت من الكيبورد غلط وواضح انه مكنش قاصدها اصلا لان الكلام ملوش علاقة بالكلمة دي خالص ولما هديت وكملوا كلام مبانش من الراجل اي حاجة وفي مرة تاني جت لي بنت تقولي ده طلع شاذ قولتلها عرفتي ازاي يعني انه كده قالت لي بيحط كريمات لوشه ودقنه وطبعا صاحبتها فسرت ده انه راجل مش مظبوط وكانت العلاقة هتنتهي بسبب الهبل ده وفي النهاية طلع الراجل بيطلع له حبوب في وشه ولو مستخدمش الكريمات دي وشه يتبهدل ومنساش مرة وحده قالت لي ده طلع بعد السنين دي كلها بخيل جدا قولتلها ليه انشالله قالت لي جاي يتقدم لي من غير حاجة وماما قالت لي ده قليل ذوق علي الاقل كان جاب ورد وطلع الراجل لا بخيل ولا حاجة بس كان متوتر وخاصة انه معندوش حد يروح معاه فمكنش عارف ياخد زيارة معاه ولما سأل وعرف بعدها راح بهدية دهب بلاش الأحكام المسبقة المبنية علي موقف واحد استني شوية وشوفي باقي التصرفات لان طبيعي الراجل ممكن يتوتر يحصل منه موقف مش مقصود والاكيد انه مش حاطط في دماغه مواهبكم في تحليل أدق التفاصيل وعايز اقولك قبل ما اقفل ادي لشريكك فرصة بلاش استعجال في الحكم عليه وادي أعذار ومتخليش خوفك من الرجالة عامة يدمر حياتك ويدمر علاقتك #راديو #اذاعه #بودكاست #love #live #حب ... https://www.youtube.com/watch?v=nmvOigO5h8Y

... https://www.youtube.com/watch?v=4AqDOMYZzKI

انا لست بصاحب فن ولا شاعرا ولا حتي صاحب كلمة ل استطيع ان اتكلم عن جمالك ولكن اسمحيلي سيدتي أن تتقبلي مني روايتي عنك سامحيني يا سيدتي اني تجرأت ومسكت قلمي ل ارسمك في روايتي وانا لا احسب نفسي ذو قدرة علي ذلك لكن المشاعر تملكتني وفاقت قدرتي علي أن اكتمها لن ارسم في روايتي احداث وتفاصيل وصراعات لم اعد استطيع ذلك وملامحك لا تفارق ذهني لحظة واحده قررت اخيرا أن استسلم واكتب رواية تحاول ان تشبهك نعم س احاول ان اترجي حروفي أن تحمل ولو لمحة عنك اعترف اني في قمة احتياجي أن اقف امامك واتلمس جمالك متأملا ومدققا واسمح لمشاعر قلبي الساكن بداخلي أن يختبر روعتك عن قرب اقدم لكم هنا المقدمة والتمهيد والفصل الاول انتظروني في باقي الفصول #قصص #قصص_مسموعه #قصص_رومانسية #روايات_صوتية #روايات_حب #حكايات_رومانسية ... https://www.youtube.com/watch?v=9s-PvcZ5vDk