قسمة ونصيب اكلشيه اتختمت بيه علاقتنا جوانا كلام متقلش عتاب محصلش واحلام انتهت لسه في عيال مستنين يجوا لكن عمرهم ما هيجوا ما خلاص قسمة ونصيب انا اخترت اكونلك نهاية أحزانك وانتي اخترتي تكوني ليا بداية شقايا خلفت من حضن من عنيكي بنت وولد كبروا مع حكايتنا البنت دخلت مدرستها والولد علي كتافك شفتك وانتي ام وشفتني وانا بيتقالي يا بابا استنتيني كل يوم بمشاكل متنتهيش وانا راجع من شغل مشتغلتوش مهموم لكن عنيكي وانتي بتحكيلي عن كل مشكلة بتطبطب عليا انا كنت اول مولود ليكي وانتي كنتي بنتي اللي مخلفتهاش في حضني كبرتي بس انا فضلت علي كتافك دخلتي المدرسة وشفتك طفلة وانتي شفتيني رضيع حبيت فينا اننا اتولدنا في علاقتنا كبرتي عني لكن مفرقليش حسيتي انه عادي ماانا وانتي في الاخر واحد بس انا كنت مخدوع وعيالنا في الاخر طلعوا سراب وانتهت كل حاجة وقولتيلي قسمة ونصيب فكرتك طفلتي المتضايقة من المدرسة كبرتلك وحاولت اقولك استني بس انتي مسمعتنيش وفجأة صغرتيني وكبرتي صرختي ذي الغريبة لما بتزعق في ابني وابني كان انا قولتلي عيالك اهم واني غريب عنك اتبريتي مني ورمتيني وهو كان فين عيالك قبلي ما عيالنا كنت انا وانتي بس لما بصيت في عنيكي وشفت لمعت الناس فيهم لميت هدومي وشلتني علي كتافي وخدت منك طفلتك وبقيت اب ليا وللطغلة المسكينة اللي حبتها واللي عمرها ما كانت انتي وقولتها في قلبي انتي طالق بالسلامه واتنكبت ذي مركب غرقانه معايا طفلين ومعيش امهم عشت كتير أرمل من غيرك مع انك موجودة ولما بصيت لملامح بنتي مشفتكيش فيها قالولي مين امها قولت لهم انا ايوة انا امها وابوها وهي بنتي وانا عارف ان كلامي مش هيكون مفهوم لحد غيرك بس انتي وحدك استني مش انتي انا بكلمها هي هي اللي جايه وانتي اللي فاتت انا بشكرك انك خليتني ابق انا وبنتي ابني علشان اللي هتيجي تشوفني علي بعضي وحتي ولو كانت لسه ملقتش أولادها همشي معاها سكتها ايوة صدقيني ياللي بستمعيني ياللي عرفاني وبتدوري عليا بدور عليكي بس عارفة الفرق بينا اني تعبت ومش قادر استني وعلشان كده بكتبلك علي امل انك تقابليني واقابلك بحبك ياقسمتي ونصيبي #شعر #حزينة #قصيدة #شعر_حزين ... https://www.youtube.com/watch?v=bF6E8tBPYZQ

انا دكتور حب ودي حلقة جديدة انهارده هتكلم معاك عن الانفصال لما كل حاجة بتنتهي فجأة ونرجع اغراب مرة تاني بعد ما بنكون وصلنا لمرحلة بنكون فيها أقرب اتنين لبعض في الانفصال العادي بيكون في طرف مرتاح وطرف تاني الله يكون في عونه بعد الانفصال بنبق مش عارفين هو احنا هنعمل ايه هنعيش لوحدنا تاني ازاي وبيبقي في وجع ووحده ومشاعر كتيرة مع بعض وكلها سلبية افتكر ان اخر علاقة ليا فضلت بعد انفصالنا يمكن سنتين او اكتر مش مصدق انه خلاص كده وأن كل واحد مننا راح في طريق ولازم نعدي المرحلة دي انا كنت فاكر ان العلاقة دي مش هتنتهي لكن ده محصلش وتعبت جدا ومكدبش عليكم حتي وانا بتظاهر ان كل حاجة انتهت وحاليا مقتنع تماما ان مكناش مناسبين لبعض في حاجات بتوحشني في علاقتنا وأحيانا هي كمان بتوحشني بس مبقاش ينفع خلاص نرجع تاني ويمكن في الموقف ده عرفت قد ايه الدنيا مش بسيطة ذي ما اتا بتعامل وان الحياة مش بس انا وهي لكن في كذا حاجة بتتدخل بس اكتر حاجة ساعدتني في رحلتي بعد الانفصال اني كنت صريح مع نفسي واعترفت قدام نفسي اني بحبها بس في أمور كتيرة متخلناش قادرين نكون مع بعض ولو كملنا مكناش هننجح واكتئبت وسيبت نفسي للحزن وقت وده كان مهم جدا انا وهي كنا بنحب بعض ٤ سنين وكنا تقريبا مش بنسيب بعض من ساعه ما نصحي لحد ما ننام فكان طبيعي جدا اني ادي مشاعري مساحتها تحس بكل الالم اللي تستحقه خسارة علاقة ذي دي ودخلت في صراعات كتيرة جوايا وأحيانا كنت بتمني اكلمها او اعدي علي مكان كان بيجمعنا فيه ذكري مانكرتش للحظة اني موجوع واني تعبت فعلا بسبب العلاقة دي جدا وده يمكن اللي ساعدني اني أقف علي رجلي تاني اه انا مش ذي قبل العلاقة ومش في أحسن حالاتي لكن علي الاقل بقيت قادر اتفاعل من تاني مع الحياة واعيش وطبيعي العلاقة اتسببت في خسارة ليا جوايا وكان لازم اني اعترف بده ومنكروش وطبعا مانكرتش اني محتاج حب في حياتي واني مش من السهل اعيش وحدي وكتبت روايات بعد الانفصال بخرج فيها مشاعري وده لان الروايات هي الطريقة الوحيدة اللي بعرف اطلع فيها اللي جوايا عايز اقولك لو انت انفصلت لازم متنكرش انك بتتوجع واوعي متاخدش حقك في الحزن والاكتئاب وحتي بعد ما الوقت يمر متنكرش ان في حاجات اتغيرت جواك والأهم دور علي وسيلة تطلع فيها مشاعرك وتتكلم وده اللي هيساعدك تمر من الفترة دي بسلام وعايز اقولك قبل ما اقفل نصيحة ليك بلاش تنكر مشاعر الالم ابدا لان فعلا الانفصال مؤلم جدا وعبر عنه واديله حقه #رمضان_يجمعنا #شهر_الفرحه #بودكاست #حب #علاقات #جواز #لايك #لايك_اشتراك ... https://www.youtube.com/watch?v=NkyjJyvavow